CANTO 72
Dios churashca Mandanamantami huillasha
1. Mana llulla yachaicuna
luz shinami achijyachin.
Jehovami ñucataca
amsamanta llujshichirca.
Diosta alli rijsishpami
paita sirvisha nircani.
Jehovapaj shutitami
cushilla huillai callarircani.
Dios churashca Mandanaca
tucuitami allichinga.
Chaicamaca cushillami
huasin huasin yachachisha.
Chashnamari amsamanta
llujshimuchun ayudasha.
Yaya Dios ‘caicamalla
huillaichij’ ningacama huillasha.
(Cai versocunatapish leyipai: Jos. 9:9; Is. 24:15; Juan 8:12, 32).