CANTO 95
Jehová Diosmi punllanta achijyachicun
(Proverbios 4:18)
1. Ñaupa tiempo Diosta sirvijcunaca
profetacuna huillajpimi
Mesías shamushpa tucuicunata
quishpichichun shuyarcacuna.
Chai punllaca ñamari chayamushca.
Jesusca ñami mandacun.
Amsamanta paimari llujshichirca.
Chaimantami cushilla canchij.
(CORO)
Jehová yachachishcacunaca
luz shinami achijyachin.
Punllanta paimanta yachashpa
alli ñanpi purishunchij.
2. Jesusca cunan punllacunapica
‘alli cazuj sirvijtamari’
ñucanchijman yachachishpa catichun,
ñaupajman pushachun mingashca.
Paicuna achijta yachachijpimi
alli ñanpi puricunchij.
Tucuita achijyachij Yaya Diosta
shungumanta pagui nishunchij.
(CORO)
Jehová yachachishcacunaca
luz shinami achijyachin.
Punllanta paimanta yachashpa
alli ñanpi purishunchij.
(Cai versocunatapish leyipai: Rom. 8:22; 1 Cor. 2:10; 1 Ped. 1:12).