Investigangapaj ayudacuna

Huahuacunata yachachingapaj

Jehová Diosca yaya mamacunamanmi huahuacunata paimanta yachachichun mingashca (Efesios 6:4). Chai mingashcata alli pajtachichunca Diospaj organizacionca chꞌican chꞌican ayudacunatami cushca. Yaya mamacunaca chai ayudacunataca ¿ima shinataj utilizai tucuncuna?

• Imata yachachinata mashcai. JW.ORG paginapimi huahuacunapaj, jovencunapaj llujshishca tucui publicacioncunata, videocunata, “yuyaringapaj tareacunata” tari tucungui.a Chaicunata taringapajca “mashcai” nishcapi “huahuacuna”, “jovencuna”, “huambracuna” nishca palabracunata quillcai.

• Alli yachanacunata agllai. “Huahuacuna” nishca partepimi cambaj huahuacunaman imallata yachachinata mashcai tucungui. Mana cashpaca “mashcai” nishcapi “familiahuan Diosta adorana” nishpa quillcai.

• Alli yachachingapaj tiempota llujchi. Huahuacunalla videocunata ricushpa, “yuyaringapaj tareacunata” jundachishpa pasachunca mana saquinachu cangui. Ashtahuanpish canmi paicunahuan chaicunata ricuna, jundachina cangui. Chaipi imalla yachachishcacunamantapishmi paicunahuanca sumajta parlanacuna cangui. Chashnami Jehová Diosman ashtahuan cꞌuchuyachun paicunataca ayudangui.