14 Chaymantapas Aarontawan churinkunatayá niy: ‘Kawsaykunamanta ofrendata quwaspankuqa altarpa ñawpaqninpim ñuqa Jehova Diospaq kasqanta qawachinanku.+

11 Sapa killa qallariytapas ñuqa Jehova Diospaqmi kañapuwankichik iskay malta torota, huk carnerota hinaspa huk watayuq allinnin kaq sano qanchis malta carnerota.+ 12 Sapa torotam quwankichik aceitewan chapusqa yaqa qanchis mati* harinayuqta,+ carnerotam quwankichik aceitewan chapusqa tawa mati masnin harinayuqta,+

6 Ichaqa amam qunqankichikchu sapa punchaw hinaspa sapa killa quwanaykichik ofrendataqa. Chaykunataqa kañapuwankichik kamachisqayman hinam kawsaykunamanta ofrendatawan+ hinaspa vinotawan kuskata.+ Chayqa miskillaña asnariqmi ñuqa Jehova Diospaq kanqa.