• Isaias 2:2, 3
    Musuq allpa pachapi kawsaqkunapaq biblia

    •  2 Tukupay punchawkunapim

      Jehova Diospa wasinpa kasqan urquqa allin takyachisqa kanqa.

      Wakin urqukunamantapas aswan allin takyachisqam kanqa,+

      wakin muqukunamantapas aswan hatunraqmi kanqa.

      Chaymanmi runakunaqa tukuy hinastinmanta rinqaku.+

       3 Achka llaqtakunamanta runakuna rispankum ninqaku:

      “Hakuchik, Jehova Diospa urqunmanyá risun,

      hakuchik Jacobpa Diosninpa wasinman.+

      Paymi ñanninkunata riqsichiwasun,

      ñuqanchikñataqmi ñanninkunapi purisun”, nispa.+

      Sionmantam kamachikuy lluqsinqa,

      Jerusalenmantam Jehova Diospa nisqankunapas lluqsinqa.+

  • Apocalipsis 7:9, 10
    Musuq allpa pachapi kawsaqkunapaq biblia

    • 9 Chaymantam rikururqani mana pipa yupay atinan achkallay-achka runakunata, paykunaqa kasqaku llapallan nacionkunamanta, kastakunamanta, llaqtakunamanta hinaspa tukuy rikchaq rimayniyuqkunamantam,+ paykunam hatun yuraq pachayuq+ sayachkasqaku tronopa ñawpaqninpi hinaspa malta carneropa ñawpaqninpi, hinaspam palmera sachapa kallmanta sapakama hapichkasqaku.+ 10 Paykunaqa kallpawan qayakuspankum nirqaku: “Salvasqaqa kanchik tronopi+ tiyaq Diosninchik hinaspa malta carnero yanapawaptinchikmi”, nispa.+