• Cantares 4:1-3
    Musuq allpa pachapi kawsaqkunapaq biblia

    • 4 Yananñataqmi* nirqa:

      “Kuyasqay yanalláy, ¡mayna kuyayllapaqmi qamqa kanki!

      ¡Qam hina kuyayllapaqqa manam pipas kanchu!

      Urpichakunapa ñawichan hinaraqmi ñawichaykipas uyayki tapakusqayki ukupi kachkan.

      Chukchachaykipas Galaad urqukunamanta+ uraykamuq cabrakuna hinam.

       2 Kiruchaykikunapas millwanta chayllaraq rutusqa oveja hinam,

      bañachisqankumanta chayllaraq lluqsiq ovejakuna hinam.

      Kiruchaykikunaqa ovejakunapa wachakusqan parisnintin

      chitachakuna hinam llapallan kachkan.

       3 Simichaykipas puka qaytu hinam pukay-pukaycha.

      Rimasqaykipas suma-sumaqllañam.

      Uya tapakusqayki ukupim

      uyachaykipas iskayman partisqa granada hina kachkan.