-
Jeremias 4:19Musuq allpa pachapi kawsaqkunapaq biblia
-
-
19 ¡Imaynaraq kasaq, llumpay llakisqam kachkani!
Sunquymi nanawachkan.
Sunquymi pampanyachkan.
-
-
Jeremias 8:18, 19Musuq allpa pachapi kawsaqkunapaq biblia
-
-
18 Kay llakiqa wañurachiwanqach,
sunquypas hukmanyasqam kachkan.
19 Karu-karu llaqtapim runaykunapa qayaykachakusqan uyarikuchkan:
“¿Manachu Jehova Diosqa Sionpi kachkan?
¿Manachu kamachiqqa chaypi kachkan?”, niq.
“¿Imapaqtaq piñachiwarqankichik llaqllasqa taytacha-mamachakunata
hinaspa huklaw runakunapa taytacha-mamachanta yupaychaspaykichik?”
-
-
Jeremias 9:1Musuq allpa pachapi kawsaqkunapaq biblia
-
-
9 ¡Amalaya wiqiy qucharayanman!
¡Amalaya wiqiy kallpaq yaku hina kanman!+
Chayna kaptinqa
wañukuq runaykunamantach tuta-punchaw waqayman.
-