• 2 Reyes 25:8-10
    Musuq allpa pachapi kawsaqkunapaq biblia

    • 8 Pichqa kaq killapa qanchis punchawninpim Jerusalen llaqtaman chayaramurqa+ Babilonia nacionta kamachiq Nabucodonosorpa yanapaqnin Nebuzaradan.+ Payqa karqa soldadokunapa kamachiqninmi. Nebuzaradanqa chayaramurqa 19 wataña Nabucodonosor kamachichkaptinmi. 9 Hinaspanmi kañaykurqa Jehova Diospa wasinta,+ kamachiqpa wasinta,+ ancha riqsisqa runakunapa wasinta+ hinaspa Jerusalenpi lliw wasikunata.+ 10 Nebuzaradanqa Babilonia soldadokunapiwanmi Jerusalen llaqtapa murallanta tuñirachirqa.+

  • 2 Cronicas 34:24, 25
    Musuq allpa pachapi kawsaqkunapaq biblia

    • 24 “Jehova Diosmi nin: ‘Juda nacionta kamachiqpaq librota leesqankuman hinam+ kay llaqtaman hinaspa runankunaman ñakariyta chayachimusaq.+ 25 Saqiwasqankurayku+ hinaspa ñuqata piñachiwanankupaq+ taytacha-mamachakunapaq kañaspa qusnichisqankuraykum kay llaqtapaq piñasqalla kasaq’”, nispa.+

  • 2 Cronicas 36:16, 17
    Musuq allpa pachapi kawsaqkunapaq biblia

    • 16 Paykunam ichaqa Diospa runankunamanta asikurqaku.+ Diospa nisqanta mana uyarispankum+ willakuqninkunamantapas asikurqaku.+ Chaymi Jehova Diosqa runankunapaq piñakurqa+ manaña pipas yanapay atinankama.

      17 Chaymi Diosqa Caldea runakunapa kamachiqninta paykunaman kacharqa,+ hinaptinmi Diospa wasinpi+ musukunata wañurachirqa.+ Manam llakipayarqachu sipaskunatapas, yuyaqkunatapas+ nitaq mana kallpayuqkunatapas. Diosqa llapallankutam makinman churaykurqa.+