• Isaias 21:2
    Musuq allpa pachapi kawsaqkunapaq biblia

    •  2 Manchakuypaq kaqtam musquypi hina* qawachiwarqa:

      Mana allinllata ruwaq nacionqa imatapas yanqachanmi,

      tuñichiq nacionpas tuñichichkanmi.

      ¡Yaw Elam, qispiy! ¡Yaw Media, llaqtata muyurimuy!+

      Paypa llakikuy rikurichisqanwanmi tukusaq.+

  • Jeremias 51:11
    Musuq allpa pachapi kawsaqkunapaq biblia

    • 11 “Flechaykichikkunatayá ñawchiyachiychik,+ ruyru harkachikunaykichiktayá hapiychik*.

      Ñuqa Jehova Diosmi Media nacionpi kamachiqkunata kallpancharqani+

      Babilonia nacionta chinkachinankupaq.

      Ñuqa Jehova Diosmi Babiloniataqa castigasaq, wasiyta* imam ruwasqankuman hinam paykunataqa ruwasaq.

  • Jeremias 51:27, 28
    Musuq allpa pachapi kawsaqkunapaq biblia

    • 27 “Kay nacionpiyá qawanankupaq hina qiruta sayachiychik.+

      Nacionkunapi uyarinankupaq hinayá waqrata pukuychik.

      Nacionkunatayá peleaq rinaykichikpaq akllaychik.

      Paywan* peleanankupaqyá Araratpi,+ Minipi chaynataq Askenazpi+ kamachiqkunata qayachimuychik.

      Paywan peleanankupaq huñumuq soldadotayá kamachiychik.

      Aqarway urukunata hinañayá caballokunatapas chayachiychik.

      28 Nacionkunatayá peleaq rinaykichikpaq akllaychik

      Media nacionpi kamachiqkunata,+ kamachiqpa yanapaqninkunata chaynataq ancha riqsisqa runakunata.

      Akllaychiktaqyá paykunapa kamachisqanku llaqtachakunatapas.