9 Joakinqa+ 18 watanpi kachkaspam kamachiyta qallaykurqa. Payqa Jerusalen llaqtamantam kamachirqa kimsa killa chunka punchawllan. Joakinqa Jehova Diospa chiqnisqan kaqkunatam ruwarqa.+ 10 Wata qallariytam* Joakinta Babilonia nacionman pusanankupaq+ Nabucodonosor kamachirqa. Apanankutaqmi karqa Jehova Diospa wasinpi imapas allinnin kaqkunata.+ Chaymantapas, Nabucodonosorqa Jerusalenmanta Juda nacionta kamachinanpaqmi churarurqa Joakinpa tion Sedequiastaña. Payqa karqa taytanpa wawqinmi.+

30 Juda nacionta kamachiq Jeoyakimtam Jehova Dios nin: ‘Davidpa rantinpiqa manañam Jeoyakimpa mirayninmantaqa pipas kamachinqañachu,+ ayanpas punchawmi rupaypi wischurayanqa, tutanpas chiripim wischurayanqa.+