• Salmos 106:38
    Musuq allpa pachapi kawsaqkunapaq biblia

    • 38 Sapa kutillam mana huchayuqkunata wañuchiqku.+

      Canaan lawpi taytacha-mamachakunapaqmi churi-wawankuta wañuchiqku.+

      Churi-wawankupa yawarnintam chay taytacha-mamachakunapaq sutuchiqku.

      Mana huchayuqkunapa yawarninwanmi allpatapas millakuypaqtaña ruwarurqaku.

  • Isaias 10:1, 2
    Musuq allpa pachapi kawsaqkunapaq biblia

    • 10 ¡Imaynaraq kanqaku mana allinlla kananpaq kamachikuyta rikurichiqkunaqa+

      hinaspa ñakarichinankupaq kamachikuyta qillqaqkunaqa!

       2 Paykunaqa wakchakunapa imam mañakusqantaqa manam qunkuchu,

      llaqtaypi wakchakunataqa mana allinllatam ruwanku,+

      viudakunamantapas tukuy imankutam qichunku,

      mana taytayuqkunapatapas tukuy imankutam apakunku.+

  • Mateo 23:35
    Musuq allpa pachapi kawsaqkunapaq biblia

    • 35 chaynapim enteron pachapi llapallan allin ruwaqkunapa yawarninmanta huchayuq kachkankichik allin ruwaq Abelpa+ wañusqanmantapacha Baraquiaspa churin Zacariaspa wañusqankama*, Zacariastaqa qamkunam wañuchirqankichik Diospa wasinpa pationpi kaq altarpa waqtanpi.+