46 Diosqa niwarqataqmi: “Llapallan kamachiq ñuqa Jehova Diosmi nini: ‘Intipa qispimunan lawpi+ kaq uku law patioman yaykuq zaguan punkuqa suqta punchawmi+ wichqasqa kanan,+ samana punchawpiwan* llullu killapa kasqan punchawpim ichaqa kicharayanan. 2 Hawa law patiomanta uku law patioman yaykuna zaguan punkupa corredorninmanmi Israelpi kamachiqqa yaykunqa,+ hinaspam punku hapiq pirqakunapa waqtanpi sayanqa. Sacerdotekunañataqmi kamachiqpa qusqan animalkunata quwanqa, chay animalkunaqa kañasqa kananpaq qusqan animalmi hinaspa ñuqawan hawkalla kasqanrayku qusqan animalmi. Punkuqa inti siqaykuykamam kicharayanan.