47 Willasqaykichikyá pipas ñuqaman hamuspan nisqaykunata kasukuq runa piman rikchakusqanmanta:+ 48 Payqa rikchakun taqra rumita tarinankama uku-ukuta aspispan taqrapa hawanpi wasinta cimientaq runamanmi, llumpa-llumpayta pararamuptinmi lluqlla wasiman chayarun, ichaqa taqra rumipi cimientasqa kasqanraykum wasiqa mana kuyuyllapas-kuyunchu.+ 49 Uyarichkaspan mana kasukuq runam ichaqa+ rikchakun mana cimientaspan allpapa hawallanpi wasinta hatarichiq runaman. Chay wasiman lluqlla chayaruspanmi chaylla tuñirachin, hinaspam qalaypaq chinkarachin”, nispa.

25 Diospa palabranta sumaqta qawaykuspa+ mana qunqaspan yuyaymanaq runam ichaqa tukuy ima ruwasqanpi kusisqa kanqa. Payqa manam Diospa palabranta uyarispa chaylla qunqaruq runachu, aswanqa uyarisqanta kasukuq runam. Diospa palabranqa mana pantaqmi hinaspapas librawaqninchikmi.+