1 Cronicas

11 Chaymanta qipatam Hebron llaqtapi+ David kachkaptin Israel ayllukuna rirqaku, hinaspam nirqaku: “Ñuqaykuqa aylluykim kaniku.+ 2 Saul kamachiwaqniyku kachkaptinraqmi qamqa Israel soldadokunapa kamachiqnin karqanki.+ Jehova Diosmi nisurqanki: ‘Qanmi ovejata michichkaq hina Israel runaykunata kamachinki’”, nispa.+ 3 Chaynapimá Israelpi llapallan punta apaqkunaqa Hebron llaqtata rirqaku, hinaptinmi Davidqa paykunawan contratota* ruwarqa Jehova Diospa qayllanpi. Chaymantam Davidta churarqaku Israel runakunata kamachinanpaq.+ Churarqakuqa Samuelwan Jehova Diospa willachisqanman hinam.+

4 Chaymantam, kamachiq Davidqa runankunapiwan Jerusalen* llaqtaman rirqa, chaypim Jebus runakuna yacharqaku*.+ 5 Jebus runakunam asikuspanku Davidta nirqaku: “¡Manamá kayman yaykumuytaqa atinkichu!”, nispa.+ Davidmi ichaqa yaykuruspan Sion muqupi llaqtata munaychakururqa,+ chaymi kunanqa Davidpa llaqtanña.+ 6 Manaraq munaychakuchkaspanmi Davidqa nirqa: “Jebus runakunawan puntata peleaqmi soldadokunapa kamachiqnin kanqa”, nispa. Hinaptinmi Zeruyapa wawan Joabqa+ Jebus runakunata puntata wañuchiyta qallaykurqa, hinaspam soldadokunapa kamachiqninña karqa. 7 Chaymantam Davidqa Sion llaqtapi yacharqa, chay llaqtatam suticharqaku “Davidpa llaqtan” nispa. 8 Davidqa pirqakunatawan hatun wasikunatam ruwachirqa chay muqupi chaynataq huklawkunapipas. Pirqasqa kaqkunatañataqmi Joab allichachirqa. 9 Chaynapim Davidqa aswan-aswan riqsisqa rikurirurqa,+ paytaqa angelkunata kamachiq Jehova Diosmi yanaparqa.

10 Davidpa kallpasapa soldadonkunapa kamachiqninkunam Israel runakunapiwan Davidta yanaparqaku, chaynapi Jehova Diospa nisqanman hina rey kananpaq.+ 11 Davidpa kallpasapa soldadonkunam karqa: Jasobeam,+ payqa karqa Hacmoni kastamantam, hinaspapas paywan kaq iskay soldadokunapa kamachiqninmi karqa.+ Huk kutipim Jasobeamqa 300 runakunata lanzanwan wañurachirqa.+ 12 Kimsa kallpasapa soldadokunamanta hukninñataqmi karqa Eleazar,+ paypa taytanmi karqa Akokipa+ miraynin Dodo. 13 Pas-damim lawpim cebada tarpusqa chakra karqa.+ Chaymanmi Filistea soldadokuna huñunakururqaku Davidwan peleanankupaq, Davidwantaqmi karqa Eleazarpas. Chay kutipim Filistea soldadokunamanta Israel soldadokuna ayqikurqaku. 14 Eleazarmi ichaqa mana ayqikuspan chakrata mana hapikuykunankupaq Filistea soldadokunata wañurachirqa. Chaynatam Jehova Diosqa Israel runakunata yanaparqa.+

15 Adulam machaypi+ David kachkaptinmi kimsa soldadokuna qawaq rirqaku, paykunaqa karqaku 30 kamachiqkunamanta wakinmi. Filistea soldadokunañataqmi Refaim pampapi carpankuta sayarachirqaku.+ 16 Davidqa pakakusqanpim kachkarqa, Filisteamanta wakin soldadokunañataqmi Belen llaqtapi kachkarqaku. 17 Davidqa Belenpi miski yakuta yuyariruspanmi nirqa: “¡Amalaya Belen llaqtapa punkunpi pozomanta yakuchata tomaykuyman!”, nispa.+ 18 Hinaptinmi chay kimsa soldadonkunaqa peleastin Filistea soldadokunapa kasqanman yaykururqaku. Paykunaqa Belen llaqtapa punkunpi pozomanta yakuta hurquruspankum Davidman aparqaku. Davidmi ichaqa mana munaspan Jehova Diospaq tallirurqa. 19 Paymi nirqa: “¡Manam tomaymanchu wañuyman churakuspanku apamusqanku yakutaqa!+ Ñuqaqa Diostam kasukuni. Chayqa kanman yawarninkuta tomay hinam. ¡Manamá chaytaqa haykapipas ruwaymanchu!”, nispa. Chaymi mana munarqachu. Davidpa chay kimsa kallpasapa soldadonkunamá tukuy chaykunata ruwarqaku.

20 Joabpa+ wawqin Abisaipas+ sapaq iskay kallpasapa soldadokunapa kamachiqninmi karqa. Abisaiqa 300 runakunatam lanzanwan wañurachirqa. Paypas chay kimsa kallpasapa soldadokuna hinam riqsisqa karqa.+ 21 Abisaiqa paywan kaq iskay soldadokunamantaqa aswan riqsisqam karqa, hinaspapas paykunapa kamachiqninmi karqa. Chaywanpas Abisaiqa manam punta kaq kallpasapa kimsa soldadokuna hinachu tukuyta ruwarqa.

22 Benayaqa+ mana manchakuqmi karqa, payqa karqa Jeoyadapa churinmi. Benayaqa Kabzeel llaqtapim tukuyta ruwarqa.+ Moab llaqtayuq Arielpa iskay churinkunatam wañurachirqa. Huk kutipiñataqmi lastamuchkaptin pozoman yaykuruspan leonta wañurachirqa.+ 23 Benayaqa wañurachirqataqmi Egipto nacionniyuq hatunkaray runatapas. Chay runaqa karqa iskay metro masnin* sayayniyuqmi.+ Benayaqa kaspiyuqllam karqa, Egipto runañataqmi karqa telarpa qirun hina llasaq lanzayuq.+ Chaywanpas lanzanta qichuruspanmi wañurachirqa.+ 24 Tukuy chaykunatam Jeoyadapa churin Benaya ruwarqa. Payqa kimsa kallpasapa soldadokuna hinam riqsisqa karqa. 25 Benayaqa 30 soldadokunamanta aswan allin kachkaspanpas, manam kimsa kallpasapa soldadokuna hinachu tukuyta ruwarqa.+ Chaywanpas Davidqa kikinta waqaychaq soldadokunapa kamachiqnin kananpaqmi Benayataqa churarurqa.

26 Kallpasapa soldadokunam karqa: Joabpa wawqin Asael,+ Belen llaqtayuq Dodopa churin Elanan,+ 27 Harod lawmanta Samot, Pelon runakunamanta Helez, 28 Tekoa llaqtayuq Ikespa churin Ira,+ Anatot llaqtayuq Abi-ezer,+ 29 Husa llaqtayuq Sibecai,+ Akoki runakunamanta Ilai, 30 Netofa llaqtayuq Maarai,+ Netofa llaqtayuq Baanapa churin Heleb,+ 31 Ribaipa churin Itai, Ribaiqa karqa Benjamin ayllupi+ Guibea llaqtamantam. Piraton llaqtayuq Benaya, 32 Gaas wayqupi+ yachaq Hurai, Bet-araba llaqtayuq Abiel, 33 Baurim llaqtayuq Azmavet, Saalbim runakunamanta Eliaba, 34 Guizon lawmanta Hasempa churinkuna, Harar lawmanta Saguepa churin Jonatan, 35 Harar lawmanta Sacarpa churin Ayam, Urpa churin Elifal, 36 Meker runakunamanta Hefer, Pelon runakunamanta Aiya, 37 Carmelo llaqtayuq Hezro, Ezbaipa churin Naarai, 38 Natanpa wawqin Joel, Hagripa churin Mibar, 39 Ammon kasta Zelec, Beerot llaqtayuq Naqarai, payqa karqa Zeruyapa wawan Joabpa harkachikunanta apaq runam, 40 Ira sutiyuq Itri runa, Gareb sutiyuq Itri runa, 41 Het kasta Urias,+ Alaipa churin Zabad, 42 Ruben ayllumanta Sizapa churin Adina. Adinaqa karqa Ruben ayllupi kamachiqmi, paywanmi karqaku 30 runakuna. 43 Maacapa churin Hanan, Mitni runakunamanta Josafat, 44 Astarot llaqtayuq Uzia, Aroer llaqtayuq Hotampa churin Sama, Jeiel, 45 Simripa churin Jediel, Jedielpa wawqin Tizi runakunamanta Joha, 46 Maavit lawmanta Eliel, Elnampa churin Jeribai, Josavias, Moab llaqtayuq Itma, 47 Eliel, Obed, Mezoba runakunamanta Jaasiel.