Numeros
24 Balaamqa cuentatam qukururqa Jehova Diosqa Israelpa mirayninkuna allinlla kananku munasqanta, chaymi Israelpa mirayninkuna ñakaytaqa mana munarqachu.+ Hinaspam chunniq lawta qawarispan 2 rikururqa Israelpa mirayninkuna tropa-tropa samasqankuta.+ Chaypim Diospa atiynin Balaanman huntaykurqa,+ 3 hinaptinmi Israelpa mirayninkunamanta sumaq rimaykunawan nirqa:+
“Beorpa churin willakuq Balaanmi kani,
mana rikusqayta rikunaypaq yanapaykusqan willakuqmi kani,
4 Diospa nisqankunata willakuqmi kani,
tukuy atiyniyuq Diospa qawachisqanta rikuqmi kani,
Diospa qawachisqanta qunqurakuspa rikuqmi kani.+
5 ¡Mayna sumaqmi Jacobpa mirayninkunapa yachanan* carpankuqa!
¡Mayna kuyayllapaqmi Israelpa mirayninkunapa samanan carpankuqa!+
6 Wayqupi parqusqa* pampa hinaraqmi mastarikun,
huerta hinaraqmi mayu patanpi kachkan,+
Jehova Diospa tarpusqan aloe sachakuna hinaraqmi kachkan,
yaku patanpi cedro sachakuna hinaraqmi kachkan.
7 Israelpa mirayninkunapaqa yaku churanankumantam yakunkupas hinalla sutuchkan,
paykunapaqa mirayninpas achka yakupa kasqanpim tarpusqa hina kachkan.+
Kamachiqninqa+ kamachiq Agagmantapas+ aswan riqsisqam kanqa,
paypa kamachisqanqa ancha riqsisqam kanqa.+
8 Diosmi Egiptomanta paykunataqa pusachkan,
Diosmi piña toro hina paykunataqa imamantapas harkachkan.
Israelpa mirayninqa chinkachinqam chiqniqnin llaqtakunapi runakunata,+
paykunataqa tulluntapas pakipaspam chinkachinqa.
9 Israelpa mirayninkunaqa leon hinam siriykuspa waqtapanku.
¿Yaqachu pipas leonta rikchachiyta atinman?
Bendeciqninkunayá bendecisqa kachun,
ñakaqninkunañataqyá ñakasqa kachun”, nispa.+
10 Hinaptinmi kamachiq Balacqa Balaampaq piñakururqa. Chaymi llumpayta piñakurusqanrayku taqllakuspanraq Balaamta nirqa: “Chiqnisqay runakunata ñakanaykipaqmi qayachimurqaykiqa,+ manam kimsakamaña allinlla kanankumanta rimanaykipaqchu. 11 Chaynaqa wasikiman kutikuy, ñuqaqa ancha riqsisqa kanaykipaqmi yanapanay karqa.+ Ichaqa Jehova Diosmi mana munanchu yanapanayta”, nispa.
12 Balaamñataqmi nirqa: “Kachamuwasqayki runakunataqa nimurqanim: 13 ‘Wasin huntataña quri-qullqita Balac quwaptinpas Jehova Diospa niwasqanmanta huktaqa manam imatapas rimasaqchu’, nispay. Nimurqanitaqmi Jehova Diospa imapas niwasqallanta rimanaymantapas.+ 14 Chaynaqa llaqtaymanyá kutikusaq. Ichaqa manaraq kutikuchkaspayá nisqayki chay runakuna llaqtaykita ima ruwananmanta”, nispa. 15 Chaynata niruspanmi Balaamqa sumaq rimaykunawan nirqa:+
“Beorpa churin willakuq Balaanmi kani,
mana rikusqayta rikunaypaq yanapaykusqa willakuqmi kani,+
16 Diospa nisqankunata uyariqmi kani,
hanaq pacha Diospa yachayninkunata riqsiqmi kani,
tukuy atiyniyuq Diospa qawachisqanta rikuqmi kani,
Diospa qawachisqanta qunqurakuspa rikuqmi kani.
17 Qawasaqmi, ichaqa manam kunallanchu.
Rikusaqmi, ichaqa manam chayllachu.
Paymi Moab runakunapa umanta pakinqa,+
paymi mana allin ruwaq runakunapa umanta chamchanqa.
Israelpa mirayninkunaqa mana manchakuspam tukuyta ruwanqaku.
19 Jacobpa mirayninmanta kaqmi kamachinqa,+
hinaspam chiqniqnin runakunamanta puchuqkunatapas wañuchinqa”, nispa
20 Balaamqa Amalec runakunata qawaspanpas mana qunqanapaq hinam nirqa:
21 Balaamqa Ken runakunata qawaspanpas+ mana qunqanapaq hinam nirqa:
“Taqra rumipa hawanpi wasiki kasqanraykum hawka yachachkanki.
22 Ichaqa kañasqam kankichik.
¿Haykapiraq Asiria runakuna presochasunki?”, nispa.
23 Balaamqa mana qunqanapaq hinataqmi nirqa:
“¡Way! ¿Piraq kawsanman Dios chayta ruwaptinqa?
Ñakarichinqataqmi Eber lawpi runakunatapas.
Chaymantam kikinpas qalaypaqta chinkanqa”, nispa.
25 Chayta niruspanmi Balaamqa+ llaqtanman kutikurqa. Kamachiq Balacpas hina hamusqallantam kutikurqa.