Hebreos
Kayqa Hebreo kasta iñiqkunaman cartam.
1 Ñawpaq tiempokunapim Diosqa willakuqninkunawan* achka kutita hinaspa imaymanata ruwaspa ñawpaq abuelonchikkunata rimapayarqa.+ 2 Kay tiempopiñataqmi churintakamaña rimapayawanchik.+ Churintam Diosqa churarun tukuy ima herencia chaskiq kananpaq.+ Paywantaqmi hanaq pachapi kaqkunatapas chaynataq kay pachapi kaqkunatapas ruwarqa*.+ 3 Churiqa Diospa kanchariyninpa rikchayninmi,+ payqa Diospa imayna kasqantam sumaqta qawachin,+ hinaspam atiyniyuq palabranwan tukuy imakunata takyachin. Payqa huchanchikkunata mayllaykuspanmi+ hanaq pacha Diospa alliq* lawninpi tiyaykurqa.+ 4 Chaynapim angelkunamantapas+ aswan atiyniyuqraq kachkan. Arí, paykunamantapas aswan atiyniyuq kananpaqmi churasqa kachkan*.+
5 ¿Mayqinnin angeltataq Diosqa haykapillapas nirqa: “Qamqa churiymi kanki, kunan punchawmantam taytayki kani”, nispa?+ Utaq: “¿Ñuqam taytan kasaq, payñataqmi churiy kanqa”, nispa?+ 6 Piwi* churinta+ yapamanta kay pachaman kachamuspanmi ichaqa Diosqa nin: “Diospa llapallan angelninkunayá paypa ñawpaqninpi kumuykuchunku”, nispa.
7 Angelkunamantapas payqa kaynatam nin: “Diosqa angelninkunatam espiritu kanankupaq ruwarun, yupaychaqninkunatam+ linwachkaq ninata hina ruwarun”,+ nispa. 8 Churinmantañataqmi nin: “Diosmi wiña-wiñaypaq kamachinaykipaq churaykusunki*.+ Kamachinaykipaq tawnaykiwanpas allin kaqkunallatam ruwanki*. 9 Qamqa allin kaqtam kuyarqanki, mana allin kaqtañataqmi chiqnirqanki. Chayraykum Diosnikiqa wakinkunamantapas qamta+ aceitewan tallichkaq hina kusikuywan akllaykusurqanki”,+ nispa. 10 Nirqataqmi: “Qamqa qallariypim allpa pachatapas suma-sumaqta takyachirqanki, hanaq pachatapas qanmi ruwarqanki. 11 Chaykuna chinkaptinpas qamqa hinallam kawsanki, paykunaqa mawka pacha hinam tukunqaku, 12 hinaptinmi qamqa capata utaq pachata wankuchkaq hina paykunata cambianki. Qanmi ichaqa hina kaqlla kanki, qamqa manam haykapipas chinkankichu”, nispa.+
13 ¿Mayqinnin angeltataq Diosqa haykapillapas nirqa: “Chiqnisuqnikikunata sarupakunaykita hina ruwanaykamayá alliqniypi* tiyaykuy”, nispa?+ 14 ¿Manachu llapallan angelkuna Diospa serviqninkuna kanku?+ ¿Manachu paykunata Diosqa kachamun salvakunankupaq kaqkunata yanapanankupaq?