Josuey

21 Leviy aylluta kamachiqkunam asuykurqaku sacerdote Eleazarman,+ Nunpa churin Josueyman hinaspa Israelpi wakin ayllukunata kamachiqkunaman. 2 Hinaspam paykunata Canaan allpapi kaq Silo llaqtapi+ kachkaptinku nirqaku: “Jehova Diosmi Moisesman kamachirqa yachanaykupaq* llaqtakunata hinaspa animalniyku mikunanpaq muyuriqninpi allpakunata quwanaykikupaq”, nispa.+ 3 Chaymi Israelpa mirayninkunaqa chaskisqanku allpankumanta Leviy aylluman+ qurqaku llaqtakunata pastosapa allpantinta,+ qurqakuqa Jehova Diospa kamachisqanman hinam.

4 Sorteaptinkum Leviy ayllumanta kaq Koatpa mirayninkunaman+ puntata tuparurqa. Chaymi Leviymanta sacerdote Aaronpa mirayninkunaman sorteaspanku qurqaku 13 llaqtakunata. Chay llaqtakunam karqa Juda,+ Simeon+ hinaspa Benjamin+ ayllupa allpanpi.

5 Koatpa wakin mirayninkunamanñataqmi chunka llaqtakuna tuparurqa*. Chay llaqtakunam karqa Efrain ayllupa,+ Dan ayllupa hinaspa Manasespa+ wakin ayllunpa allpanpi.

6 Guersonpa mirayninkunamanñataqmi+ 13 llaqtakuna tuparurqa. Chay llaqtakunam karqa Isacar ayllupa, Aser ayllupa, Neftaliy ayllupa hinaspa Basan lawpi Manasespa wakin ayllunpa allpanpi.+

7 Meraripa mirayninkunañataqmi+ hayka ayllu kasqankuman hina 12 llaqtakunata chaskirqaku. Chay llaqtakunam karqa Ruben, Gad hinaspa Zabulon ayllupa allpanpi.+

8 Chaynatamá Israelpa mirayninkunaqa Leviy aylluman sorteaspa qurqaku chay llaqtakunata pastosapa allpantinta, chaytaqa qurqaku Moisesman Jehova Diospa kamachisqanman hinam.+

9 Juda ayllupa hinaspa Simeon ayllupa allpankumantam llaqtakunata qurqaku.+ 10 Sorteopi puntata tuparusqanraykum Aaronpa mirayninkunaman llaqtakunata qurqaku, paykunaqa karqaku Leviy ayllumanta kaq Koatpa mirayninkunam. 11 Qusqanku pastosapa allpantin llaqtam karqa Juda ayllupa urqunkuna lawpi kaq Hebron+ utaq Kiryat-arba llaqta,+ Arbaqa karqa Anacpa taytanmi. 12 Hebron llaqtapa hatun allpankunatawan llaqtachankunatam ichaqa Jefuneypa churin Caleb chaskirqa.+

13 Sacerdote Aaronpa mirayninkunamanmi qurqaku pastosapa allpantin Hebron llaqtata,+ chay llaqtaqa karqa runa wañuchiqpa amparakunan llaqtam.+ Qurqakutaqmi Libna llaqtata+ pastosapa allpantinta, 14 Jatir llaqtata+ pastosapa allpantinta, Estemoa llaqtata+ pastosapa allpantinta, 15 Holon llaqtata+ pastosapa allpantinta, Debir llaqtata+ pastosapa allpantinta, 16 Ain llaqtata+ pastosapa allpantinta, Juta llaqtata+ pastosapa allpantinta hinaspa Bet-semes llaqtata pastosapa allpantinta. Chay isqun llaqtakunam karqa Juda hinaspa Simeon ayllupa allpanpi.

17 Qurqakutaqmi Benjamin ayllupa allpanpipas Gabaon llaqtata+ pastosapa allpantinta, Gueba llaqtata pastosapa allpantinta,+ 18 Anatot llaqtata+ pastosapa allpantinta hinaspa Almon llaqtata pastosapa allpantinta. Llapallanmi karqa tawa llaqtakuna.

19 Aaronpa mirayninkunaman qusqanku llapallan llaqtakunaqa karqa 13 llaqtakunam pastosapa allpantinkama.+ Paykunaqa karqaku sacerdotekunam.

20 Leviy ayllumanta kaq Koatpa wakin mirayninkunamanmi sorteaspa qurqaku Efrain ayllupa allpanpi llaqtakunata. 21 Qusqanku pastosapa allpantin llaqtam karqa Efrain ayllupa urqunkuna lawpi kaq Sichem* llaqta,+ chay llaqtaqa karqa runa wañuchiqpa amparakunan llaqtam.+ Qurqakutaqmi Guezer llaqtata+ pastosapa allpantinta, 22 Kibzaim llaqtata pastosapa allpantinta hinaspa Bet-horon llaqtata+ pastosapa allpantinta. Llapallanmi karqa tawa llaqtakuna.

23 Qurqakutaqmi Dan ayllupa allpanpipas Elteke llaqtata pastosapa allpantinta, Guibeton llaqtata pastosapa allpantinta, 24 Ayalon llaqtata+ pastosapa allpantinta hinaspa Gat-rimon llaqtata pastosapa allpantinta. Llapallanmi karqa tawa llaqtakuna.

25 Qurqakutaqmi Manasespa wakin ayllunpa allpanpipas Taanac llaqtata+ pastosapa allpantinta hinaspa Gat-rimon llaqtata pastosapa allpantinta. Chaykunaqa karqa iskay llaqtakunam.

26 Chaynatam Koatpa wakin mirayninkunaqa chaskirqaku pastosapa allpantin chay chunka llaqtakunata.

27 Leviy ayllumanta kaq Guersonpa mirayninkunamanmi+ qurqaku pastosapa allpantin Golan llaqtata, chay llaqtaqa karqa Manasespa wakin ayllunpa allpanpi kaq Basan lawpim. Golan llaqtaqa+ karqa runa wañuchiqpa amparakunan llaqtam. Qurqakutaqmi Beestera llaqtata pastosapa allpantinta. Chaykunaqa karqa iskay llaqtakunam.

28 Isacar ayllupa+ allpanpipas qurqakum Kision llaqtata pastosapa allpantinta, Daberat llaqtata+ pastosapa allpantinta, 29 Jarmut llaqtata pastosapa allpantinta hinaspa En-ganim llaqtata pastosapa allpantinta. Llapallanmi karqa tawa llaqtakuna.

30 Qurqakutaqmi Aser ayllupa+ allpanpipas Misal llaqtata pastosapa allpantinta, Abdon llaqtata pastosapa allpantinta, 31 Helkat llaqtata+ pastosapa allpantinta hinaspa Reob llaqtata+ pastosapa allpantinta. Llapallanmi karqa tawa llaqtakuna.

32 Chaymantapas qurqakum Neftaliy ayllupa allpanpipas Galilea lawpi Kedes llaqtata pastosapa allpantinta, Kedes llaqtaqa+ karqa runa wañuchiqpa amparakunan llaqtam.+ Qurqakutaqmi Hamot-dor llaqtata pastosapa allpantinta hinaspa Kartan llaqtata pastosapa allpantinta. Llapallanmi karqa kimsa llaqtakuna.

33 Chaynatam Guersonpa mirayninkunaqa hayka ayllu kasqankuman hina chaskirqaku pastosapa allpantin chay 13 llaqtakunata.

34 Leviy ayllumanta wakinmi karqa Meraripa mirayninkuna,+ paykunamanmi qurqaku Zabulon ayllupa+ allpanpi kaq Jocneam llaqtata+ pastosapa allpantinta, Karta llaqtata pastosapa allpantinta, 35 Dimna llaqtata pastosapa allpantinta hinaspa Naalal llaqtata+ pastosapa allpantinta. Llapallanmi karqa tawa llaqtakuna.

36 Qurqakutaqmi Ruben ayllupa allpanpipas Bezer llaqtata+ pastosapa allpantinta, Jaaz llaqtata pastosapa allpantinta,+ 37 Kedemot llaqtata pastosapa allpantinta hinaspa Mefaat llaqtata pastosapa allpantinta. Llapallanmi karqa tawa llaqtakuna.

38 Qurqakutaqmi Gad ayllupa+ allpanpipas Galaad lawpi+ Ramot llaqtata pastosapa allpantinta, Ramot llaqtaqa karqa runa wañuchiqpa amparakunan llaqtam. Qurqakutaqmi Maanaim llaqtata+ pastosapa allpantinta, 39 Hesbon llaqtata+ pastosapa allpantinta hinaspa Jazer llaqtata+ pastosapa allpantinta. Llapallanmi karqa tawa llaqtakuna.

40 Chaynatam Meraripa mirayninkunaqa hayka ayllu kasqankuman hina chaskirqaku pastosapa allpantin chay 12 llaqtakunata, paykunaqa Leviy ayllumanta wakinmi karqaku.

41 Israelpa mirayninkunapa allpanku ukupim Leviy aylluqa chaskirqa chay 48 llaqtakunata pastosapa allpantinta.+ 42 Sapa llaqtam karqa muyuriqninpi pastosapa allpayuqkama. Llapallan llaqtakunamá chayna karqa.

43 Chay allpakunata quspanmá Jehova Diosqa Israelpa mirayninkunapa ñawpaq abuelonkuman nisqanta cumplirqa.+ Hinaptinmi Israelpa mirayninkunaqa chay allpapi yacharqaku.+ 44 Chaymantapas ñawpaq abuelonkuman nisqanman hinam Jehova Diosqa hawkayayllapi kawsakunankupaq yanaparqa.+ Chaymi pi chiqniqninkupas paykunawan peleaytaqa mana atirqakuchu.+ Jehova Diosqa Israelpa mirayninkunapa makinmanmá lliw chiqniqninkunata churarqa.+ 45 Israelpa mirayninkunaman Jehova Diospa sumaq willakuykuna nisqanman hinam karqa. Llapallanmá chayna nisqanman hina karqa.+