Ezequiel
27 Jehova Diosqa kaqmanta rimapayawaspanmi niwarqa: 2 “Runapa churin, Tiro llaqtamanta llaki takita takispayá+ niy: 3 ‘Tiro llaqta,
qamqa lamar qucha patanpim kachkanki,
qamqa lamar qucha patanpi llaqtakunawanmi negociota ruwachkanki,
llapallan kamachiq Jehova Diosmi nisunki:
“Tiro llaqta, qanmi nirqanki: ‘Kuyayllapaqmi kani’,+ nispayki.
4 Qampa allpaykiqa lamar quchapa patanpim kachkan,
ruwaqnikikunam aswan kuyayllapaqta ruwasurqanki.
5 Senir+ urqupi wiñaq sachakunamantam tablaykikunatapas ruwarqaku,
Libano lawpi wiñaq cedro sachamantam botekipa qiruntapas ruwarqaku.
6 Yaku qachinaykitapas Basan lawpi roble sachamantam ruwarqaku, puntaykitapas cipres sachamantam ruwarqaku,
alaqaykikunatapas marfilmantam* ruwarqaku, chaytaqa Kitim+ lawmantam apamurqaku.
7 Tolderaykipas Egiptomanta apamusqanku linomanta ruwasqam karqa, tukuy rikchaq colorniyuqmi suma-sumaq karqa.
Qatasunayki tolderañataqmi karqa Elisa+ sutiyuq llaqtamanta apamusqanku azul llañu qaytumantawan morado qaytumanta ruwasqa.
8 Qachina kaspikiwanpas Sidon hinaspa Arvad+ runakunam qachirqaku.
Tiro llaqta, botepi puriq hichu-hichu runaykikunam lamar quchanta pusasuqnikikuna karqa.+
9 Guebal+ lawmanta yachaysapa runaykikunam tablaykikuna raqraruptinpas sumaqta allichaqku.+
Qanwan negociota ruwanankupaqmi huklawmanta runakuna botekunapi hamuqku tukuy imata aparikuspa.
10 Peleaq runaykikunapas karqa Persiamanta, Ludmanta chaynataq Put+ lawmantam.
Qampa waqtaykimanmi harkachikunankutawan casconkutapas warkuqku, hinaptinmi qawapasllaña karqanki.
11 Arvad lawmanta kaq peleaq runaykikunam pirqaykikunapi sayaqku,
allinta peleay yachaq runaykikunam torrekikunapa kanan pirqaykikunapipas kaqku.
Ruyru harkachikunankutapas pirqaykikunapim warkuqku,
chaymi aswan qawapasllaña karqanki.
12 Tukuy imayuq kasqaykiraykum Tarsis+ lawmanta runakunapas qanwan negociota ruwaqku. Kapuqnikikunaraykum+ paykuna apamusurqanki qullqita, fierrota, estañota hinaspa titita.+ 13 Qanwan negociota ruwanankupaqmi Javan lawmanta, Tubal+ lawmanta hinaspa Mesec+ lawmanta runakuna hamuqku. Kapuqnikikunaraykum paykuna apamusurqanki serviqniki kananpaq runakunata+ chaynataq broncemanta ruwasqa imakunatapas. 14 Togarma+ lawmanta runakunapas kapuqnikikunaraykum apamusurqanki cargapaq caballokunata, silla caballokunata hinaspa mulakunata. 15 Dedan+ lawmanta runakunapas chaynataq lamar qucha patanpi llaqtakunapas qanwanmi negociota ruwaqku, paykunam apamusurqanki regalota hina marfilkunata+ hinaspa ebano sachapa qirunkunata. 16 Tukuy imayuq kasqaykiraykum Edom runakunapas qanwan negociota ruwaqku. Kapuqnikikunaraykum apamusurqanki llipipipiq celeste* alaqa rumikunata, morado qaytukunata, qillqay-qillqay bordasqa bayta awakunata, sumaq awasqa hatun mantelkunata, lamar quchapi kaq llipipipiq alaqa rumikunata chaynataq llipipipiq alaqa puka* rumikunatapas.
17 Juda runakunawan Israel runakunapas qanwanmi negociota ruwaqku, kapuqnikikunaraykum apamusurqanki Minit+ lawmanta trigota, allinnin kaq kawsaykunata, mielta,+ aceiteta chaynataq miski asnaq aceitetapas*.+
18 Damasco+ runakunapas qanwanmi negociota ruwarqaku, tukuy ima kapuqnikikunaraykum apamusurqanki Helbon lawmanta allinnin vinota chaynataq paru millwatapas. 19 Vedan lawmanta runakunapas chaynataq Uzalpi kaq Javan lawmanta runakunapas apamusurqankim fierromanta ruwasqa alaqakunata, huk rikchaq canelata chaynataq miski asnaq qurata. 20 Dedan+ runakunapas monturapaqmi awasqa karunakunata rantikusurqanki*. 21 Arabia runakunawanpas chaynataq Quedar+ lawpi kamachiqkunawanpas negociotam ruwaq kanki, paykunaqa malta carnerokunata, puqusqa carnerokunata hinaspa cabrakunatam rantikusurqanki.+ 22 Saba runakunapas hinaspa Raama+ runakunapas kapuqnikikunaraykum negociota qanwan ruwaqku, paykunam apamusurqanki allinnin perfumekunata, llipipipiq sumaq alaqa rumichakunata hinaspa qurita.+ 23 Saba+ lawpi kaq Haran+ llaqtayuq, Cane llaqtayuq hinaspa Eden+ llaqtayuq runakunapas qanwanmi negociota ruwaqku. Asur+ llaqtayuq hinaspa Kilmad llaqtayuq runakunapas qanwanmi negociota ruwaqku. 24 Paykunaqa plazaykikunapim rantikuqku kuyayllapaq pachakunata, azul qaytumanta awasqa qillqay-qillqay bordasqa capakunapaq kaqkunata chaynataq tukuy rikchaq colormanta awasqa pampaman mastanakunata. Tukuy chaykunaqa karqa waskawan allin watasqakamam.
25 Tarsis+ lawmanta botekunam llapa imata apamususpayki qatinakamuqku.
Qamqa lamar qucha chawpinpi chukuy-chukuy qipiyuq botekuna hinam karqanki.
26 Yakuta qachiq runaykikunam manchakuypaq yakupa kasqanman pusasurqanki,
intipa qispimunan lawmanta hamuq wayram lamar quchapa chawpinpi chinkaykachisurqanki.
27 Chinkasqayki punchawmi lamar quchapa chawpinman chinkaykunqa rantikunaykipaq tukuy ima kapuqniki,
qanwan kuska riq runakuna, lamar quchanta pusasuqniki runaykikuna, tablaykikunapa raqrasqanta allichaqkuna,
negocio ruwaq runaykikuna+ chaynataq peleaq runaykikunapas.+
Chinkasqayki punchawmá llapallan runaykikuna tukunqa.+
28 Lamar quchanta pusasuqniki runaykikuna qapariptinmi lamar quchapa patanpi allpapas katkatatanqa.
29 Chinkasqaykita qawaspam yakuta qachiq huk runakunapas chaynataq
lamar quchanta puriq huk runakunapas botenkuta saqispa chaki allpaman ayqikunqaku.
30 Chinkasqaykita qawaspankum qapariyllawanña waqanqaku,+
llumpayta llakikuspankum umankuman allpata machqikunqaku hinaspa uchpapi quchpanqaku.
31 Chukchankutapas kachiy-kachiyta rutukuspankum qachqa pachawan churakunqaku,
hinaspam llumpa-llumpayta waqanqaku.
32 Chayna waqasqankupim llaki takita kuti-kutirispa takispa ninqaku:
‘¿Pitaq Tiro llaqta hina llakikuypaqta lamar quchapa chawpinman chinkaykunman?+
33 Lamar quchanta tukuy imaykikuna hamusqanwanmi achka llaqtakunata yanapaq kanki.+
Achkallaña tukuy ima kapuqnikikunam kay pachapi kamachiqkunata apuyarachin.+
34 Kunanqa lamar quchamanmi chinkaykurunki,+ tukuy ima kapuqnikikunapas chaynataq
runaykikunapas qanwan kuskam uku-ukuman chinkaykurunku.+
35 Lamar quchapa patanpi yachaqkunapas* qawarayasunkim,+ kamachiqninkupas manchakuymantam katkatatanqaku,+
mancharisqallaña kasqankupas sutillam uyankupi qawakunqa.
36 Huklaw nacionmanta negociantekunapas imayna kasqaykita qawaykuspankum mancharikunqaku.
Chinkanayki punchawqa chayllam chayamunqa, manchakuypaqmi kanqa.
Wiña-wiñaypaqmi chinkanki’”’”, nispa.+