1 Cronicas
16 Davidqa Diospa baulninpaqmi carpata ruwarachirqa. Chay carpamanmi Diospa baulninta churarqaku,+ hinaptinmi Davidqa Diospaq animalkunata nakaspa kañapurqa, nakapurqataqmi Dioswan hawkalla kasqankurayku animalkunatapas.+ 2 Davidqa tukuy chaykunata Diosman quruspanmi+ Jehova Diospa sutinpi runakunata bendeciykurqa.+ 3 Chaymantapas, Israel runakunamanmi qarimanpas warmimanpas qurqa ruyru tantata, palmerapa rurunmanta ruwasqa tantata hinaspa uvas pasasmanta ruwasqa tantata. 4 Chaymantam Davidqa Leviy ayllumanta wakinta akllarqa Jehova Diospa baulninpa waqtanpi kanankupaq,+ chaynapi Diospa ima ruwasqankunata runakunaman yuyarichinankupaq hinaspa agradecekuspanku Jehova Diosta hatunchanankupaq. 5 Asafmi+ karqa paykunapa kamachiqnin, paypa qatiqninmanñataqmi karqa Zacarias. Asafqa platillotam tocarqa.+ Cuerdayuq kaqkunatawan arpakunata+ tocaqkunañataqmi karqaku: Jeiel,+ Semiramot, Jeyel, Matitias, Eliab, Benaya, Obed-edom hinaspa Jeiel. 6 Sacerdote Benayawan Jaazielñataqmi cornetillata pukuqku Diospa baulninpa* ñawpaqninpi.
7 Chay punchawmi Davidqa Jehova Diosta tukuy imamanta agradecekunanpaq takita ruwarurqa, hinaspanmi Asafman+ chaynataq paywan kaqkunaman quykurqa takinankupaq.
8 Chay takim nin: “¡Jehova Diostayá agradecekuychik!+ Sutinmantataqyá qayakuychik.
Imakuna ruwasqanmantayá runakunaman willaychik.+
9 Takipuychik, payta hatunchaspayá takipuychik*.+
Tukuy ima ruwasqankunapiyá yuyaymanaychik*.+
11 Jehova Diostayá maskaychik,+ mañakuychikyá kallpata qusunaykichikpaq.
Hinallayá maskaychik Diospa yanapakuyninta.+
12 Tukuy ima ruwasqankunatayá yuyariychik,+
yuyariychikyá milagrokuna ruwasqanta hinaspa mana allinkuna pasananmanta rimasqankunata.
13 Yuyariychikyá Diospa yupaychaqnin Israelpa mirayninkuna,+
yuyariychikyá Jacobpa churinkuna. Qamkunaqa kankichik Diospa akllasqankunam.+
14 Diosninchikqa Jehova Diosmi.+
Payqa llapallan runakunapa juezninmi.+
15 Diospa contrato* ruwasqantaqa amayá haykapipas qunqaychikchu.
Waranqantin miraykamayá Diospa nisqantaqa yuyaychik.+
17 Chay contrato ruwasqanta kasukunanpaqmi Jacobman kamachikuyta qurqa.+
Israelpaqqa chay contrato ruwasqanqa una-unaypaqmi karqa.
19 Diosqa chaynataqa nirqa paykuna asllaraq kachkaptinkum.
Asllaraq kaspankum forastero hina karqaku.+
20 Paykunaqa purirqaku nacion-nacionmi,
llaqtan-llaqtanmi.+
21 Diosqa manam saqirqachu pipas runankunata ñakarichinantaqa.+
Aswanqa runankunaraykum kamachiqkunata qaqcharqa.+
22 Nirqam: ‘Akllakusqaykunataqa amam imanankichikchu,
23 ¡Lliw runayá Jehova Diospaq takichun!
¡Sapa punchawyá willakuychik libraykuwaqninchik kasqanmanta!+
24 Ancha riqsisqa kasqanmantayá nacionkunapi willakuychik.
Tukuy imakuna ruwasqanmantayá lliw runakunaman willakuychik.
25 Jehova Diosqa mayna hatunmi, chaymi hatunchananchik.
Payllam taytacha-mamachakunamantapas manchakuna Diosqa.+
26 Jehova Diosmi hanaq pachata unancharqa.+
Runakunapa taytacha-mamachanmi ichaqa yanqa.+
27 Paypa kasqanqa sumaqllaña kancharichkaqmi.+
Paypa kasqanpiqa atiywan kusikuymi kachkan.+
28 Llaqtakunapi ayllukuna, Jehova Diostayá hatunchaychik.
Ancha riqsisqa atiyniyuq kasqanmantayá Jehova Diosta hatunchaychik.+
29 Jehova Diospa sutintayá hatunchaychik.+
Qunaykichikpaq kaqta apamuspayá Diosman asuykuychik.+
Yupaychanapaq pachakunawan churakuspayá Jehova Diosta yupaychaychik.+
30 ¡Diospa qayllanpiyá lliw runakuna katkatatachun!
Kay allpa pachaqa sumaq takyachisqam kachkan, manam pipas kuyuchiytaqa atinmanchu.+
31 Hanaq pachapi kaqkunayá kusikuchun, kusikuchuntaqyá kay pachapi kaqkunapas.+
Llapallan nacionkunapiyá willakuychik: ‘¡Jehova Diosmi kamachiqninchikqa!’, nispa.+
32 Lamar quchawan chaypi kaqkunayá qaparichun.
Kusikuchuntaqyá chakrakunapas chaynataq chaypi kaqkunapas.
33 Montepi sachakunapas Jehova Diospa qayllanpiyá kusikuymanta qaparichunku.
Diosqa runakunapa jueznin kananpaqmi hamuchkan.
34 Allin Dios kasqanraykuyá Jehova Diosta agradecekuychik.+
Payqa imaña kaptinpas wiñaypaq kuyakuqmi.+
35 Qamkunayá niychik: ‘Salvaqniyku Diosllayku, salvaykullawaykuyá.+
Huñuykuwaykuyá, nacionkunamantayá harkaykullawayku,
Chaynapi chuya sutillaykita hatunchanaykupaq,+
kusikuymanta hatunchanaykupaq.+
36 Israelpa yupaychasqan Jehova Diosqa wiña-wiñaypaqyá hatunchasqa kachun’”, nispa.
Llapallan runakunañataqmi nirqaku: “¡Chaynayá kachun*!”, nispa.
Chaynata nispankum Jehova Diosta hatuncharqaku.
37 Hinaptinmi Davidqa Asaftawan+ ayllunkunata churaykurqa Jehova Diospa baulninpa waqtanpi+ sapa punchaw imam ruwanankupi kanankupaq.+ 38 Punku cuidaq kanankupaqmi Davidqa churaykurqa Obed-edomta chaynataq paypa 68 ayllunkunata. Churarqataqmi Hosatapas chaynataq Jedutunpa churin Obed-edomtapas. 39 Sacerdote Sadocwan+ pay hina yanapakuqkunaqa Gabaon muqupim Jehova Diospa carpanpi karqaku.+ 40 Chaypiqa karqaku achikyaqtawan inti siqaykuyta Jehova Diospaq imatapas kañanankupaqmi. Ruwanankutaqmi karqa Israelman Jehova Diospa kamachikuykuna qusqanpi lliw nisqantapas.+ 41 Paykunawanmi karqa Hemanpas, Jedutunpas+ chaynataq akllasqa runakunapas. Chay runakunam akllasqa karqaku Jehova Diosta hatunchanankupaq.+ Hatuncharqakuqa: “Payqa imaña kaptinpas wiñaypaq kuyakuqmi”, nispa takispankum.+ 42 Hemanwan+ Jedutunqa cornetillata, platillota hinaspa Diosta hatunchanapaq* cuerdayuq kaqkunatam tocarqaku. Jedutunpa+ churinkunañataqmi karqaku punku cuidaqkuna. 43 Chaymantam llapallan runakunaqa wasinkuman kutikurqaku. Davidpas wasinmanmi kutikurqa ayllunta yanapananpaq Diosta mañakuq.