1 Corintios
3 Wawqi-panillaykuna, ñuqaqa manam atiyninwan Diospa yanapasqan runakunata hinachu rimapayarqaykichik,+ rimapayarqaykichikqa aychaman hinalla kawsaq runakunata hinam. Arí, Cristota* qatikusqanpi wawallaraq kaqkunaman hinam+ rimapayarqaykichikqa. 2 Lechellatam qurqaykichikqa, manam mikuytachu manaraq mikunaykichikpaq hina kasqaykichikrayku. Kunanpas manamá mayqinnikichikpas mikunaykichikpaq hinaraqchu kachkankichik+ 3 aychaman hinallaraq kawsasqaykichikrayku.+ Envidianakuspa chaynataq liryanakuspa kawsaspaqa, ¿manachu aychaman+ hinallaraq piensachkankichik? ¿Manachu runakunapa ruwasqanman hinallaraq kawsachkankichik? 4 “Ñuqaqa kani Pablopam”, “ñuqaqa kani Apolospam”+ nispaykichikqa, ¿manachu wakin runakuna hinallaraq kachkankichik?
5 ¿Pimá Apolosqa? ¿Pimá Pabloqa? Ñuqaykuqa señorninchikpa quwasqanku llamkaypi llamkapakuqllam+ kaniku, ñuqaykum yanaparqaykiku Diospi iñikunaykichikpaq. 6 Ñuqam tarpurqani,+ Apolosñataqmi parqurqa*,+ ichaqa Diosmi wiñachirqa. 7 Chaynaqa, tarpuqwan parquqpas manam imachu, aswanqa wiñachiq Diosllam.+ 8 Tarpuqwan parquqqa hukllam kanku, ichaqa llamkasqankuman hinam sapakama pagonta Diosmanta chaskinqaku.+ 9 Ñuqaykuqa Diospa llamkaqmasinmi kaniku, qamkunañataqmi kankichik Diospa llamkanan chakra, Diospa ruwasqan wasi.+
10 Ancha kuyakuyninta Dios qawachiwasqanraykum* ñuqaqa allin llamkaq maestro hina cimientota churarqani,+ ichaqa hukmi chay cimiento churasqaypa hawanpi pirqachkan, chaywanpas hinallayá sapakama allinta qawachun chay cimientopa hawanpi imayna pirqasqanta. 11 Manam pipas churayta atinmanchu ña churasqa cimientopa hawanman huk cimientotaqa, chay churasqa cimientoqa Jesucristom.+ 12 Cimiento churasqapa hawanpiqa pipas ruwanmanmi wasita quriwan, qullqiwan, alaqa rumiwan, tablawan, ichuwan* hinaspa pajawan, 13 ichaqa sasachakuy punchawpim sapakamapa ruwasqan imayna kasqan qawachisqa kanqa,+ chay punchawpim nina qawachinqa sapakamapa ruwasqan imayna kasqanta. 14 Chay cimientopa hawanpi pipapas ruwasqan mana imanakuptinqa premiotam chaskinqa. 15 Pipapas ruwasqan kañasqa kaptinqa lliwtam chinkarachinqa, kikinmi ichaqa salvakunqa ninamanta ayqichkaq hina.
16 ¿Manachu qamkunaqa yachankichik Diospa wasin hina kasqaykichikta,+ hinaspa Diospa atiynin qamkunapi kasqanta?+ 17 Pipas Diospa wasinta tuñirachiptinqa Diosmi paytapas chinkarachinqa, Diospa wasinqa chuyam, qamkunam chay wasi hinaqa kankichik.+
18 Amayá pipas pantachunchu kay tiempopi* yachayniyuq kasqanta piensaspanqa, aswanqa mana yachayniyuq kasqanpaqyá hapikuchun, chaynapi yachayniyuq kananpaq. 19 Runakunapa yachayninqa Diospaqqa mana valeqmi, qillqasqam kachkan: “Diosqa kikinkupa tuqllallanmanmi wichiykachin yachaysapakunataqa”, niq.+ 20 Chaymantapas nintaqmi: “Jehova* Diosqa yachanmi runakunapa yachaynin mana valeq kasqanta”, nispa.+ 21 Chaynaqa amayá pipas alabakuchunchu runakunapa ruwasqanmantaqa, tukuy imamiki qamkunapa, 22 Pablopas, Apolospas, Pedropas*,+ runakunapas, kawsakuypas, wañuypas, kunan kaqkunapas hinaspa hamuq kaqkunapas, tukuy imakunam qamkunapa. 23 Qamkunañataqmi kankichik Cristopa,+ Cristoñataqmi Diospa.