1 Tesalonicenses
3 Chayraykum imayna tarikusqaykichikmanta yachaykuyta munaspayku Atenas llaqtapi sapallaykuña qipanaykupaq tantiarurqaniku,+ 2 hinaspam Cristomanta* sumaq willakuyta willakuq hinaspa Diosta serviq* wawqinchik Timoteota+ kachamurqaykiku, payqa hamurqa Diospi hinalla hapipakunaykichikpaq kallpanchasunaykichikpaqmi hinaspa sunquykichikta tiyaykachinanpaqmi, 3 chaynapi mayqinnikichikpas sasachakuykunawan ñakarispa ama hukmanyanaykichikpaq. Qamkunaqa yachankichikmi chayna sasachakuykunawan ñakarinanchiktaqa*.+ 4 Qamkunawan kachkaspaykuraqmi sasachakuykunawan ñakarinanchikmantaqa nirqaykikuña, yachasqaykichikpi hinam chaykunaqa pasakurqa.+ 5 Chaymi qamkuna imayna tarikusqaykichikmanta yachaykuyta munaspay Timoteota kachamurqani Diosman sunqu hinalla kasqaykichikta willawananpaq,+ ichapas diablo tentarusunkichikman+ hinaptin llamkasqaykupas yanqapaq kanman.
6 Timoteom kutiramuspan+ Diosman sunqu kasqaykichikmanta hinaspa kuyakuq kasqaykichikmanta allinta willawarqaku. Qamkunas tukuy tiempo kuyakuywan yuyawankiku, hinaspas rikuykuyta munawankiku imaynam ñuqaykupas qamkuna rikuykuyta munasqaykuman hina. 7 Chaymi wawqi-panillaykuna, tukuy llakipi hinaspa ñakariykunapi kaspaykupas qamkunarayku hinaspa Diosman sunqu kasqaykichikrayku sunquykupas tiyaykurqa.+ 8 Ñuqaykuqa señorninchikpa qatiqnin kaspaykichik qaqa hina* sayasqaykichikwanmi kallpanchasqa kachkaniku. 9 Chaynaqa, ¿imaynatam Diosta agradecekuymanku qamkunamanta hinaspa paypa qayllanpi anchata kusichiwasqaykikumanta? 10 Tuta-punchawmi Diosta tukuy sunquykuwan ruegakuchkaniku qamkunata rikuykunaykupaq hinaspa Diospi astawan hapipakunaykichikpaq hinalla kallpanchaykunaykupaq.+
11 Kikin Dios taytanchikyá señorninchik Jesuspiwan ñanniykuta kicharichun qamkunata watukamunaykupaq. 12 Chaymantapas, señoryá yanapasunkichik qamkunapura astawan kuyanakunaykichikpaq+ chaynataq llapallan runakunata kuyanaykichikpaqpas imaynam qamkunata kuyasqaykuman hina, 13 chaynapi pay yanapasuptikichik Dios+ taytanchikpa qayllanpi sunquykichikpi kallpanchasqa hinaspa pipapas mana ima ninan chuya kanaykichikpaq, chaynaqa kankichik señor Jesus+ llapallan chuya serviqninkunawan chayaramuspa kaypi kaptinmi*.