Josuey
12 Jordan mayupa intipa qispimunan lawpi kamachiqkunatam Israelpa mirayninkuna wañurachirqaku. Chaypi hapikusqanku allpakunam karqa Arnon wayqumanta+ Hermon urqukama+ chaynataq Jordan mayupa inti qispimunan lawpi Araba pampapiwan.+ 2 Chay kamachiqkunamanta hukninmi karqa Hesbon llaqtapi yachaq* Amorreo runakunapa kamachiqnin Seon.+ Paypa kamachisqanqa qallarirqa Arnon wayqupa+ patanpi kaq Aroer llaqtamantam.+ Kamachirqaqa Arnon wayqupa partenmanta Jaboc wayqukamam, Jaboc wayquqa karqa Ammon runakunapa allpanwan tupaqmi. Seonqa kamachirqataqmi Galaadpa partentapas. 3 Kamachirqataqmi Araba lawmanta intipa qispimunan Kineret* quchakama+ hinaspa Araba lawpi Kachi quchapa* inti qispimunan lawkama, chaylawpim karqa Bet-jesimot. Uraymanñataqmi* kamachirqa Pisga law urqukunapa waqtankama.+
4 Chaymantapas Basan lawta Ogpa kamachisqan+ lliw allpakunatapas hapikuykurqakum, chay kamachiqqa Refaim runakunamanta hukkaqnin puchuqllañam karqa.+ Ogqa yacharqa Astarot hinaspa Edrei llaqtapim. 5 Ogpa kamachisqanmi karqa Hermon urqu, Saleca llaqta hinaspa lliw Basan law.+ Basan lawqa karqa Guesur chaynataq Maacat runakunapa+ allpankamam. Kamachirqataqmi Galaadpa partentapas Hesbon llaqtata kamachiq Seonpa allpankama.+
6 Jehova Diosta yupaychaq Moiseswan Israelpa mirayninkunam paykunata wañurachirqaku.+ Chaymantam Jehova Diosta yupaychaq Moisesqa chay kamachiqkunapa allpankuta quykurqa Ruben aylluman, Gad aylluman hinaspa Manasespa wakin ayllunman.+
7 Josueypawan Israelpa mirayninkunapa wañuchisqanku kamachiqkunañataqmi karqa Jordan mayupa inti siqaykunan lawpi kaqkuna. Paykunapa allpankum karqa Libano law wayqupi+ Baal-gad llaqtamanta+ Seir lawman+ riq Halac urqukama.+ Chay allpakunatam Josueyqa Israel ayllukunaman qurqa tupasqanman hina.+ 8 Chay allpakunaqa karqa urqukunapim, Sefela muqukunapim, Araba pampapim, waqtakunapim, chunniqpim hinaspa Negueb qichwapim.+ Tukuy chaykunapim yacharqaku Het runakuna, Amorreo runakuna,+ Canaan runakuna, Perizita runakuna, Hev runakuna hinaspa Jebus runakuna.+
9 Chay wañuchisqanku kamachiqkunam karqa: Jerico llaqtata kamachiq,+ Betel llaqtapa hichpanpi Hai llaqtata kamachiq,+
10 Jerusalen llaqtata kamachiq, Hebron llaqtata kamachiq,+
11 Jarmut llaqtata kamachiq, Lakis llaqtata kamachiq,
12 Eglon llaqtata kamachiq, Guezer llaqtata kamachiq,+
13 Debir llaqtata kamachiq,+ Gueder llaqtata kamachiq,
14 Horma llaqtata kamachiq, Arad llaqtata kamachiq,
15 Libna llaqtata kamachiq,+ Adulam llaqtata kamachiq,
16 Makeda llaqtata kamachiq,+ Betel llaqtata kamachiq,+
17 Tapua llaqtata kamachiq, Hefer llaqtata kamachiq,
18 Afec llaqtata kamachiq, Lasaron llaqtata kamachiq,
19 Madon llaqtata kamachiq, Hazor llaqtata kamachiq,+
20 Simron-meron llaqtata kamachiq, Aksaf llaqtata kamachiq,
21 Taanac llaqtata kamachiq, Meguido llaqtata kamachiq,
22 Kedes llaqtata kamachiq, Carmelo lawpi Jocneam llaqtata kamachiq,+
23 Dor waqtakunapi Dor llaqtata kamachiq,+ Guilgal lawpi Goyim llaqtata kamachiq
24 hinaspa Tirza llaqtata kamachiq. Llapallankum karqaku 31 kamachiqkuna.