2 Cronicas

27 Jotanqa+ 25 watanpi kachkaspam kamachiyta qallaykurqa. Jerusalen llaqtamantam Juda nacionta 16 wata kamachirqa. Mamanmi karqa Sadocpa churin Jerusa.+ 2 Jotanqa taytan Uzias hinam Jehova Diospa munasqanman hina allin kaqkunata ruwarqa.+ Ichaqa manam taytan hinachu Jehova Diospa wasinmanqa* yaykururqa.+ Runakunañataqmi hinalla mana allinta ruwarqaku. 3 Jotanmi Jehova Diospa wasinpa hanay lawninpi punkuta ruwachirqa.+ Ofel muqupa murallanpipas tukuy imatam ruwachirqa.+ 4 Juda nacionpa urqunkunapipas+ llaqtakunatam hatarichirqa,+ montepiñataqmi ruwachirqa torrekunata+ chaynataq murallasqa llaqtachakunata.+ 5 Ammon runakunawan+ peleaspanmi Jotanqa paykunata munaychakururqa, chaymi Jotanman chay wata qurqaku 3.420 kilo* qullqita, 3.200 taqi* trigota hinaspa 2.600 taqi* cebadata. Ammon runakunaqa qatiqnin iskay watapas hina chaynallatam qurqaku.+ 6 Jehova Diosta sunqumanta kasukusqanraykum Jotanqa ancha munayniyuq rikurirurqa.

7 Jotanpa kawsakusqanmantaqa, imayna peleasqanmantaqa chaynataq imakuna ruwasqanmantaqa Israel naciontawan Juda nacionta kamachiqkunamanta willakuq libropim qillqasqa kachkan.+ 8 Jotanqa 25 watanpim kamachiyta qallaykurqa. Jerusalen llaqtapim 16 wata kamachirqa.+ 9 Jotan wañukuptinmi pamparurqaku ñawpaq abuelokunapa pampakusqan Davidpa llaqtan sutiyuq llaqtapi.+ Hinaptinmi churin Acazña kamachirqa.+