2 Cronicas
13 Israel naciontam Jeroboan 18 wataña kamachichkarqa, hinaptinmi Juda nacionpi Abias kamachiyta qallaykurqa.+ 2 Paymi Jerusalen llaqtamanta kimsa wata kamachirqa. Mamanpa sutinmi karqa Micaya,+ Micayaqa karqa Guibea llaqtayuq+ Urielpa churinmi. Abiaswan Jeroboanqa peleayllapiñam karqaku kamachisqanku watakunapiqa.+
3 Huk kutipim Abiasqa Jeroboanwan peleaq rirqa 400.000 allin peleaq kallpasapa soldadonkunawan.+ Jeroboanpas 800.000 allin peleaq kallpasapa soldadonkunawanmi hamurqa, hinaspam chimpanpi churakururqa. 4 Hinaptinmi Abiasqa Efrain ayllupa allpanpi Zemaraim urquman qispiruspan nirqa: “¡Jeroboan, llapallan Israel runakuna, uyariwaychik! 5 ¿Manachu yachankichik Davidtawan churinkunata+ Israel nacionpi kamachinanpaq Jehova Dios churarusqanta? Davidwanmi Diosqa contratota* ruwarqa wiñaypaq kamachiq kananpaq.+ Chay contrato ruwasqankuqa wiñaypaqmi karqa.+ 6 ¡Nebatpa churin Jeroboan!+ Qanmi Salomonpa runan kachkaspaykipas qipancharurqanki,+ 7 hinaspam mana allin qilla runakunawan hukllawakuspayki Salomonpa churin Reoboamtapas qipancharurqanki. Reoboamqa musullaraq kaspanmi mana ima ruwaytapas atirqachu.
8 Qamkunam Davidpa mirayninkunawan peleayta munachkankichik, chayqa kanman Jehova Dioswan peleay hinam. Ñuqaykuqa Diospa akllasqan runakunam kaniku. Achka kasqaykichikraykuchu ñuqayku munaychakuyta piensankichik. Qamkunaqa Jeroboanpa qurimanta ruwachisqan taytachakunapim hapipakunkichik.+ 9 Qamkunam Jehova Diospa sacerdoten+ Aaronpa mirayninkunatawan Leviy ayllunkunata qarqururqankichik. Hinaspam wakin nacionkuna hinaña qamkuna ukumanta akllarqankichik.+ Pipas malta torota hinaspa qanchis carnerokunata aparikuspa hamuptinmi sacerdote kananpaq akllarqankichik. 10 Ñuqaykupa Diosniykum ichaqa Jehova Dios,+ paytaqa manam qipancharqanikuchu. Aaronpa miraynin sacerdotekunapas hinallam Jehova Diosta yupaychachkanku, Leviy ayllukunapas hinallam yanapachkanku. 11 Sapa achikyaqtawan inti siqaykuytam paykunaqa Jehova Diospaq animalkunata kañapuchkanku+ hinaspa miski asnaq inciensotapas* quntichichkanku.+ Qurimanta mesapim Diospaq sapaqchasqa tantapas* kachkan,+ sapa tutaykuqtataqmi qurimanta candelabropi+ mecherotapas ratachinku.+ Ñuqaykuqa Jehova Diospa kamachikuynintam kasukuniku, qamkunam ichaqa qipancharunkichik. 12 Ñuqaykuwanqa kawsaq Diosmi kachkan, paymi yanapawachkanku sacerdotekunawan. Paykunam cornetillata tocanqaku qamkunawan peleanaykupaq. Israel runakuna, amayá Jehova Dioswanqa peleaychikchu. Manachayqa wañunkichikmi”, nispa.+
13 Chaynata niptinpas Jeroboanqa soldadonkunatam kamachirqa Juda runakunapa qipanpi pakakunankupaq, chaymi chawpicharurqaku. 14 Chayna kasqankuta qawaspankum Juda runakunaqa Jehova Diospa yanapakuyninta mañakurqaku,+ sacerdotekunañataqmi cornetillata nisyuta tocarqaku. 15 Hinaspam Juda runakunaqa peleanankupaq qaparirqaku. Qapariptinkum Diosqa Abiastawan Juda runakunata yanaparqa Israel runakunata wañuchinankupaq. 16 Israel runakunaqa ayqikurqakum, hinaptinmi Diosqa Juda runakunapa makinman churaykurqa. 17 Abiaswan runankunam 500.000 allin peleaq Israel runakunata wañurachirqaku. 18 Chaynapim Israel runakunaqa pinqaypi qiparurqaku. Juda runakunataqa Jehova Diosmi yanaparqa, paykunaqa Diospim hapipakurqaku.+ 19 Abiasqa Jeroboanta qatispanmi munaychakururqa Betel llaqtata,+ Jesana llaqtata, Efren llaqtata,+ chaynataq chay llaqtakunapa hichpanpi llaqtachakunatapas. 20 Abiaspa kamachisqan watakunaqa manañam Jeroboanqa ñawpaqpi hinañachu munayniyuq karqa, chayna kachkaptinmi Jehova Diosqa Jeroboanta wañurachirqa.+
21 Abiasqa aswan munayniyuqmi rikurirurqa. Paypam karqa 14 warminkuna,+ 22 qari churinkuna hinaspa 16 warmi churinkuna. 22 Abiaspa kawsakusqanmanta, imakuna ruwasqanmanta hinaspa imapas rimasqanmantam Diosmanta willakuq* Ido qillqarqa.+