Job
21 Jobñataqmi nirqa:
2 “Allintayá uyariykuwaychik,
chaynapi sunquyta tiyaykachinaykichikpaq.
3 Ama amispayá uyariykullawaychik,
rimayta tukuykuptiyñayá asikuwaychikpas.+
4 Manam ñuqaqa runatachu imatapas nini.
Runa kaptinqa ñachá amiruymanña karqa.
5 Hitaykichiktapas kachaykuspayá qawawaychik.
Simikichiktapas makikichikwan tapakuspayá qawawaychik.
6 Mana allin ruwaqkunapi yuyaymanaspaymi
mancharikuspay kikillay katkatatani.
7 ¿Imanasqataq mana allin ruwaqkunaqa yuyaqyanankukama hinalla kawsachkanku?+
¿Imanasqataq paykunaqa hinalla apuyachkanku?+
8 Paykunaqa churinkuwan kuskam kawsanku,
paykunaqa mirayninkutapas riqsinkuraqmi.
9 Wasinkupipas hawkam kawsakunku,+
Diospas manam imananchu paykunataqa.
10 Toronkupas vacankupas miranmi,
manam sullunchu.
11 Qari churinkupas kanchantin ovejakuna hinam hawa lawman kallpanku*,
warmankupas pukllaspam kallpakachanku.
13 Paykunaqa sapa punchawmi kusisqallaña kawsakunku,
14 Diostam ichaqa ninku: ‘Ñuqaykumantayá asurikuy,
manamá munanikuchu kamachikuynikikuna kasukuytaqa.+
15 ¿Pitaq tukuy atiyniyuq Diosqa payta kasukunapaqqa?+
¿Imapaqñataq paytaqa riqsichwanpas?’, nispa.+
16 Ichaqa manam kusisqa kawsakuyninkuqa makillankupichu kachkan.+
Chaymi ñuqaqa mana paykuna hinachu imatapas tantiani.+
17 ¿Hayka kutikamataq mana allin ruwaqkunaqa wañuruq mechero hina karqaku?+
¿Hayka kutikamataq paykunaqa sasachakuypi karqaku?
¿Hayka kutikamataq paykunapaq Dios piñakurqa?
18 ¿Yaqachu paykunaqa wayrapa apanan qupa hina kanku?
¿Yaqachu paykunaqa nisyu wayrapa apanan paja hina kanku?
19 Chaywanpas taytanpa huchanmantam churinkunamanña Diospa piñakuynin chayanqa.
Kikinmanpas huchanman hinam Diospa piñakuyninqa ñakarinanpaq chayanqa.+
20 Kikinyá qawachun imayna ñakarisqanta,
kikinyá tukuy atiyniyuq Diospa piñakuyninta chaskichun.+
21 Paytaqa manamá imapas qukunchu qipa punchawkunaman churinkuna ñakarinanmantaqa,
paytaqa manamá imapas qukunchu wañunan punchaw hichpallapiña kaptinpas.+
22 ¿Yaqachu pipas Diosta imallatapas yachachiyta atinman?+
¿Yaqachu pipas chay ruwayta atinman riqsisqakunatapas qaqchaq kachkaptin?+
23 Wakin runakunam wañunku kallpallanpiraq kachkaspa,+
kusisqa kachkaspa, hawkalla kawsakuchkaspa,+
24 wiray-wiray kachkaspa
hinaspa manaraq unquchkaspa*.
25 Wakin runakunañataqmi wañunku llakikuyllapiña kachkaspa
hinaspa allin kawsakuyta manaraq riqsichkaspa.
27 Ñuqaqa yachachkanim imam tantiasqaykichiktaqa
hinaspa ñuqapaq mana allinkuna ruway munasqaykichiktaqa.+
28 Qamkunam nichkankichik: ‘¿Maypitaq chay riqsisqa runapa wasin kachkan?
¿Maypitaq chay mana allin runapa carpan kachkan?’, nispa.+
29 ¿Manachum ñannin puriqkunallatapas tapukurqankichik?
¿Manachum paykunapa imam nisusqaykichikta uyarirqankichik?
30 Mana allin ruwaq runaqa tukupay punchawpipas pampachasqaraqmi,
Diospa piñakuynin punchawpipas pakaykusqaraqmi.
31 ¿Pitaq chayna runapa imayna kawsakusqanta uyanpi ninman?
¿Pitaq ruwasqanman hina ñakarichinman?
32 Chay runa wañukuptinpas
maymi pampakusqantam waqaychanqaku.
33 Paypaqqa pampakusqan allpapas usyallam kanqa*,+
achka runakunam paypa risqanman rinqaku+
payqa wakin runakuna hinam wañunqa.
34 Hinaptinqa, ¿imapaqtaq yanqakunata rimaspa llakipayawankichik?+
¡Yanqallam imapas niwasqaykichikqa!”, nispa.