Apocalipsis

15 Hanaq pachapim kaqmanta rikurqani mana haykapipas rikusqayta, rikurqaniqa qipa kaq qanchis castigokuna apachkaq qanchis angelkunatam.+ Chay castigokunawanmi Diospa piñakuynin tukurqa.+

2 Chaymantapas rikurqanim vidriomanta ruwasqapi yaku qucharayachkaqta hina,+ chayqa ninawan hukllawasqam kasqa, rikurqanitaqmi manchakuypaq animal venceqkunatapas,+ paykunaqa vencesqakutaqmi chay animalpa imagennintapas+ chaynataq riqsichikusqan numerontapas.+ Venceqkunaqa chay vidriomanta ruwasqapi yaku qucharayaqpa waqtanpim sayachkasqaku Diospa arpanta hapispanku. 3 Paykunam Diosta serviq Moisespa+ takintawan malta carneropa+ takinta takichkasqaku, kaynatam takirqaku:

“Tukuy atiyniyuq hinaspa wiña-wiñaypaq kamachiq+ Jehova* Diosllayku,+ mayna suma-sumaqmi hinaspa kuyayllapaqmi tukuy ima ruwasqaykikunaqa,+ tukuy ima ruwasqaykikunaqa alli-allinmi hinaspa confianapaqmi.+ 4 Jehova* Diosllayku, ¿pitaq qamtaqa mana respetasunkimanchu? ¿Pitaq sutikitapas mana hatunchanmanchu? Qamllam kanki runaykikunaman nisqaykiman hina ruwaqqa.+ Llapallan nacionkunam ñawpaqnikiman hamuspanku yupaychasunki+ juzgasqayki allin kasqanrayku”, nispa.

5 Chaymantam rikurqani Diospa yachachikuyninkunapa kasqan carpapa chuyay-chuyay cuartonta, chay cuartoqa hanaq pachapim kichakururqa.+ 6 Chay chuyay-chuyay cuartomantam qanchis angelkuna lluqsiramurqa qanchis castigokunata aparikuspanku,+ chay angelkunam kasqa kancharichkaq linomanta* limpio pachawan pachasqakama, qasqunkupas kasqa qurimanta chumpiwan watasqakamam. 7 Querubin sutiyuq tawa angelkunamanta hukninmi chay qanchis angelkunaman quykurqa qurimanta qanchis tazonkunata, chay tazonkunaqa kasqa wiña-wiñaypaq kawsaq Diospa piñakuyninwan huntam.+ 8 Chay chuyay-chuyay cuartom qusniwan huntarurqa Diospa kanchariyninrayku+ hinaspa atiyninrayku. Chaymi pipas chay cuartomanqa yaykuyta mana atirqachu chay qanchis angelkunapa qanchis apasqan castigokuna tukunankama.+