Deuteronomio
33 Moisesmi manaraq wañukuchkaspan Israelpa mirayninkunata bendecispan+ 2 nirqa:
“Sinai urqumantam Jehova Diosqa hamurqa,+
Seir chunniqmantam paykunata kancharimurqa.
Paran lawmantam hatun atiyninwan kancharimurqa,+
paywanmi wara-waranqantin angelkuna karqa,+
tropankunapas paypa alliqninpim karqa.+
3 Payqa runankunatam kuyarqa.+
Akllakusqayki runakunam makikipi kachkan.+
4 Jacobpa llapallan mirayninkuna,+
Moisesmantam ñuqanchikpaqña kananpaq kamachikuyta chaskirqanchik.+
7 Juda ayllutapas bendecispam nirqa:+
“Jehova Diosllayku, Judatayá uyariykuy,+
kaqmantayá llaqtanman kutichimuy.
Payqa kikinpa kaqta waqaychananpaqmi tukuyta ruwarqa,
chiqniqninkunamantayá harkaykuy”, nispa.+
8 Leviy ayllupaqñataqmi nirqa:+
“Tumim hinaspa Urim+ rumichaykikunaqa qanman* sunqu runakunallapaqmi,+
Masa sitiopim qamqa imayna kasqankuta yachayta munarqanki.+
Qanmi yakupa kasqan Meriba lawpi paykunawan atipanakurqanki.+
9 Paykunaqa tayta-mamankumantam nirqaku: ‘Manam kaqpaqpas hapikichikchu’, nispa.
Manataqmi paykunaqa sayapakurqakuchu wawqinkumanpas+
nitaqmi churinkutapas kasurqakuchu.
10 Paykunayá Jacobta yachachichunku nisqaykikunata kasukunankupaq,+
yachachichunkutaqyá Israeltapas kamachisqaykikunata kasukunankupaq.+
Leviy ayllupa incienso* quntichipususqaykiyá miskillaña asnariq kapusunki,+
paykunayá imapas qusqankuta altarpi kañapusunki.+
11 Jehova Dioslláy, paykunatayá bendeciykuy,
chaskiykuytaqyá paykunapa ima qususqaykitapas.
Chiqniqninkunapa chakintayá pakiparuy,
chaynapi manaña sayarinankupaq”, nispa.
12 Benjamin ayllupaqñataqmi nirqa:+
“Jehova Diospa kuyasqanqa paypa qayllanpiyá hawkalla kawsakuchun,
tukuy punchaw pay waqaychaptinqa
hawkam hombronpi kawsakunqa”, nispa.
13 Joseypaqñataqmi nirqa:+
“Jehova Diosyá cielopi allin kaqkunawan
tukuy imata allpanpi qispichichun,+
allpantayá sullakuna sullachun, pukyumanta tuqyaq yakukunayá nuyuchun,+
14 paypa tarpukuynintayá inti kanchachun,
sapa killayá kawsaynin allin qispichun,+
15 urqukunapiyá* tukuy ima qispichun,+
wiñaypaq muqukunapiyá tukuy ima qispichun,
16 allpa pachapi tukuy ima kaqkunayá paypaq kachun,+
kichkayuq taksa sachapi rikuriqpa chaskisqanyá kachun.+
Tukuy kaykunayá Joseypaq kachun,
wawqinkunamanta akllasqa kaqpaqyá kachun.+
17 Punta naceq toropa hinam kallpanpas,
purunpi wiñaq toropa waqran hinam waqrankunapas.
Chay waqrankunawanmi llapallan llaqtakunata chinkachinqa,
allpa pachapa cantonkamam chinkachinqa.
Efrainpa wara-waranqantin mirayninkunam paykunaqa kanku,+
Manasespa waranqantin mirayninkunam paykunaqa kanku”, nispa.
18 Zabulon ayllupaqñataqmi nirqa:+
“Zabulon, qamqa punkuykikunapiyá kusikuy.
Isacar, qampas carpaykikunapiyá kusikuy.+
19 Paykunam llapallan llaqtapi runakunata urquman qayanqaku.
Chaypim allin ruwaq kasqankurayku Diospaq animalkunata kañapunqaku.
Paykunaqa lamar quchapi kaqkunawanmi tukuy imayuq kanqaku,
lamar qucha patanpi pampasqa pakawanmi tukuy imayuq kanqaku”, nispa.
20 Gad ayllupaqñataqmi nirqa:+
“Gadpa allpanta hatunyachiqqa hatunchasqayá kachun.+
Payqa leon hinam pawaykuq-pawaykuqllaña suyachkan,
qunqayllamantam makinman utaq umanman pawaykun.
21 Paymi pimantapas puntata imatapas akllakunqa,+
payqa kamachikuykuna quqpa allpa qusqantam chaskinqa.+
Llaqtapi kamachiqkunam huñunakunqaku.
Paymi Israelpa mirayninkunata juzganqa,
Jehova Diospa tantiasqankunaman hinam allinta juzganqa”, nispa.
22 Dan ayllupaqñataqmi nirqa:+
“Danqa uña leon hinam.+
Basan lawmantaraqmi pawaykamunqa”, nispa.+
23 Neftaliy ayllupaqñataqmi nirqa:+
“Jehova Dios chaskiykuptinmi Neftaliyqa kusisqallaña kachkan,
payqa taytanchik bendeciykuptinmi kusisqallaña kachkan.
Chaymi munaychakuchkan intipa siqaykunan lawta chaynataq uray lawta*”, nispa.
24 Aser ayllupaqñataqmi nirqa:+
“Aserpa mirayninkunaqa Dios yanapaptinmi achkallaña.
Llapan wawqinkunapa aswan kuyasqanyá kachun,
aceitewanyá chakintapas mayllakuchun.
25 Punkuykitapas wichqanki fierromanta hinaspa broncemanta cerrojowanmi,+
wañukunaykikamam hawkalla kawsakunki.
26 Manam pipas kanchu Jesurunpa+ Diosnin hinaqa,+
payqa puyukunapa hawantam hamun yanapasunaykipaq,
payqa puyuntam hamun atiyninwan yanapasunaykipaq.+
28 Israelpa mirayninkunaqa hawkam kawsakunqaku,
Jacobpa mirayninkunaqa kawsaykunapa
hinaspa vinopa kananpim kawsakunqaku.+
Allpankutapas sullam nuyunqa.+
29 Israelpa mirayninkuna, ¡kusisqañamá kunanqa kachkankichik!+
Taytanchikqa qamkunapaqmi harkachikuna hina,+
payqa qamkunapaqmi espadaykichik hina.
Chiqnisuqnikichikkunam ñawpaqnikichikpi laqakunqaku,+
hinaptinmi wasanpi sarunkichik”, nispa.