Ester
4 Juda runakuna wañuchisqa kanankumanta yacharuspanmi+ Mardoqueoqa+ pachanta llikikurqa, hinaspanmi qachqa pachawan hinakuykuspan umanman uchpata maqchikurqa. Chaymantam llaqtapi purirqa qayaykachakustin. 2 Ichaqa qachqa pachayuq kasqanraykum kamachiqpa wasin punkukamalla chayarurqa, qachqa pachayuqqa manam pipas ukumanqa yaykuqchu. 3 Sapa llaqtapim+ Juda runakunaqa wañuchisqa kanankumanta yacharurqaku, hinaspam ayunaspanku+ qaparispa waqakurqaku. Hinaspapas qachqa pachapa chaynataq uchpapa hawanpim quchparqaku.+ 4 Chayta Esterman sirvientankunawan runankuna* willaykuptinmi llumpayta llakikurqa. Hinaspanmi Mardoqueoman pachata apachirqa qachqa pachanta hurqukunanpaq. Paymi ichaqa mana chaskikurqachu. 5 Hinaptinmi Esterqa Atacta kamachirqa ima pasasqanmanta Mardoqueota tapumunanpaq. Atactaqa kamachiq Asuerom churarurqa Esterta yanapananpaq.
6 Chaymi Atacqa plazaman rirqa Mardoqueota maskaq. Chay plazaqa karqa kamachiqpa wasinpa chimpanpim. 7 Hinaptinmi Mardoqueoqa lliwta willaykurqa. Willaykurqataqmi Juda runakunata wañuchinanpaq+ Hamanpa hayka qullqi qusqantapas.+ 8 Chaymantapas, Atacwanmi apachirqa Juda runakuna wañuchisqa kanankumanta Susa llaqtapi+ willakuyta. Chaytam Atacqa Esterman qawachispan willanan karqa.+ Atacwantaqmi willachirqa kamachiq Asueropa kasqanman Ester rinanpaqpas, chaynapi llaqtamasinkunarayku rimapayananpaq.
9 Atacqa Esterpa kasqanman kutispanmi Mardoqueopa nisqanta willarqa. 10 Chaymi Esterqa Atacta kamachirqa Mardoqueota kaynata nimunanpaq:+ 11 “Llapallan runakunam yachanku pipas mana qayachisqa kachkaspan kamachiqpa kasqanman yaykuruspanqa+ wañunanta. Qurimanta tawnanta kamachiq haywariykuptillanmi+ manaqa wañunmanchu. 30 punchawñam kamachiqqa mana qayachimuwanchu”, nispa.
12 Esterpa chayna nisqantam Atacqa Mardoqueoman willarqa. 13 Mardoqueoñataqmi Esterman willachimurqa: “Kamachiqpa wasinpi kachkaspaykipas qamqa wañunkim. 14 Kamachiqwan mana rimaptikipas, Juda runakunataqa pipas yanapawanqakum.+ Qanmi ichaqa aylluykikunapiwan wañunki. Ichapas kayna sasachakuypi kaptiyku yanapawanaykikupaq kamachiqpa warmin kanaykipaq akllasqa karqanki”, nispa.+
15 Chaymi Esterqa Mardoqueoman willachimurqa: 16 “Susa llaqtapi yachaq* Juda runakunatayá huñumuy ñuqarayku kimsa punchaw ayunanankupaq.+ Ñuqapas chaynataq runaykunapas ayunasaqkum. Chaymantachiki wañunay kaptinpas kamachiq Asueroman asuykusaq”, nispa. 17 Chaymi Mardoqueoqa Esterpa nisqanman hina ruwarqa.