Apocalipsis
3 Sardis llaqtapi iñiqkunaman willaq angelman kaynata qillqay: Diosmanta kaq qanchis espirituyuqmi+ hinaspa qanchis luceroyuqmi nisunki:+ ‘Yachanim ruwasqaykikunata, qamqa kawsaqman rikchakuspaykipas wañusqam kachkanki.+ 2 Chayraykuyá qawan-qawanlla kaspa+ wañunankupaqña kaqkunata kallpanchay, ñuqaqa yachanim Diosniypa ñawpaqninpi imapas ruwasqaykikunaqa manaraq tukusqa kasqanta. 3 Chaynaqa, amapuniyá qunqaychu imam chaskisqaykitaqa nitaq imam uyarisqaykitaqa, hinallayá chaykunaman hapipakuy hinaspa huchaykimanta wanakuy.+ Mana rikchariptikiqa suwa hinam hamurusaq,+ manapunim yachankichu imay horata chayamunaytaqa.+
4 Ichaqa kachkanmi Sardis llaqtapi iskay-kimsallapas pachankuta mana qachachaqkuna,+ paykunaqa yuraq pachayuqmi ñuqawan purinqaku+ chayna kanankupaq hina kasqankurayku. 5 Pipas venceqqa+ chayna yuraq pachawan pachachisqam kanqa,+ sutintapas manam chinkachisaqchu Diospa libronmantaqa*,+ aswanqa taytaypa hinaspa angelninkunapa ñawpaqninpim pay riqsisqayta nisaq.+ 6 Pipas rinriyuqqa iñiqkunaman chuya espiritupa* nisqantayá uyarichun’, nispa.
7 Filadelfia llaqtapi iñiqkunaman willaq angelman kaynata qillqay: Chuya kaq,+ chiqap kaq,+ Davidpa llaventa hapiq+ chaynataq mana pipas wichqananpaq punku kichaq hinaspa mana pipas kichananpaq punku wichqaqmi kaykunata nin: 8 ‘Yachanim ruwasqaykikunata. Ñawpaqnikipim punkuta kichaykapuyki,+ chaytaqa manam pipas wichqanmanchu. Ñuqaqa yachanim mana ancha kallpayuq kasqaykita, yachanitaqmi nisqaykunata kasukusqaykitapas chaynataq mana qipanchawasqaykitapas*. 9 Satanaspa qatiqninkunatapas qanman pusamuspaymi ñawpaqnikipi kumuykachisaq, hinaptinmi paykuna yachanqaku qamkuna kuyasqayta, paykunaqa llullakunkum, chaymi mana judio kachkaspankupas “judiom kani” ninku.+ 10 Sasachakuykuna aguantasqayta qatipakuwasqaykiraykum+ ñuqapas enteron pachapi sasachakuy kaptin waqaychaykusqayki,+ chay sasachakuyqa hamunqa kay pachapi llapallan yachaqkunamanmi*. 11 Chayllam ñuqaqa hamuchkani.+ Qampam kachkan allin kaqkuna, chaykunamanyá allinta hapipakuy, chaynapi premioykita* pipas mana chaskikurunanpaq.+
12 Pipas venceqtaqa Diosniypa wasinpim* allin sayaq pilarta hina ruwasaq, hinaptinmi manaña haykapipas chaymantaqa lluqsinqachu, paypa urkunpim qillqasaq Diosniypa sutinta hinaspa Diosniypa llaqtanpa sutinta,+ chay llaqtaqa Diosniypa kasqan hanaq pachamanta uraykamuq musuq Jerusalen sutiyuqmi,+ paypiqa qillqasaqmi musuq sutiytapas.+ 13 Pipas rinriyuqqa uyarichunyá iñiqkunaman chuya espiritupa nisqanta’, nispa.
14 Laodicea+ llaqtapi iñiqkunaman willaq angelman kaynata qillqay: “Chaynayá kachun*”+ niqwan sutichasqa kaqmi, confianapaq hinaspa chiqap testigo kaqmi+ chaynataq Diospa unanchasqankunamanta punta kaqmi kaynata nisunki:+ 15 ‘Ñuqaqa yachanim ruwasqaykikunata, qamqa manam chirichu nitaq rupaqchu kanki. Munaymanmi chiri utaq rupaq kanaykita. 16 Ichaqa qamqa kanki qunillam, manam chirichu+ nitaq rupaqchu,+ chaymi simiymanta aqturusqayki. 17 Qanmi ninki: “Ñuqaqa apum kani,+ hinaspam tukuy imata huñukuruni chaymi manaña imatapas munanichu”, nispa. Ichaqa manam yachankichu wakcha kasqaykita, ñawsa kasqaykita, qalalla kasqaykita nitaq llakipayaypaq kasqaykitapas. 18 Chaymi niki, ninawan sumaq chuyanchasqa qurita ñuqamanta rantiwaspayki apu kanaykipaq, rantiwaytaq yuraq pachatapas pachakunaykipaq, chaynapi qalalla kaspa pinqaynikita ama qawachikunaykipaq,+ rantiwaytaqyá ñawipaq pomadatapas chaywan llusikuspa+ qawakunaykipaq.+
19 Ñuqaqa llapallan kuyasqaykunatam pantaypi kaptinku allin ñanman kutirichimuni,+ hinaspapas correginim. Chaynaqa, huchaykikunamanta wanakuspayá tukuy sunquykiwan Diosta serviy.+ 20 Ñuqaqa punkupi sayaspaymi takamuchkani. Pipas qayakusqayta uyarispan punkuta kichaykuwaptinqa wasinman yaykuspaymi paywan cenasaqku. 21 Pipas venceqqa+ ñuqawan kuskam tronoypi tiyanqa,+ imaynam ñuqapas venceruspay taytaywan trononpi tiyasqayman hina.+ 22 Pipas rinriyuqqa iñiqkunaman chuya espiritupa nisqantayá uyarichun’”, nispa.