1 Cronicas

25 Chaymantapas, Davidqa Leviy ayllupi kamachiqkunawan kuskam rakirqaku Asafpa, Hemanpa hinaspa Jedutunpa+ wakin churinkunata. Chaynapi arpakunawan, cuerdayuq kaqkunawan+ hinaspa platillokunawan+ Diosta hatunchanankupaq*. Chaypi yanapakunankupaq listasqa runakunam karqa kaykuna: 2 Asafpa churinkunam karqa: Zacur, Josey, Netanias, Asarela. Paykunatam yachachirqa taytanku Asaf, chaytaqa ruwarqa Davidpa kamachisqanman hinam*. 3 Jedutunpa+ suqta churinkunam karqa: Guedalias, Zeri, Jesayas, Simei, Hasabias hinaspa Matitias.+ Paykunatam arpawan yachachirqa taytanku Jedutun, chaytaqa ruwarqa Jehova Diospa ruwasqankunamanta agradecekuspa hatunchaspanmi.+ 4 Hemanpa+ churinkunam karqa: Bukias, Matanias, Uziel, Sebuel, Jerimot, Hananias, Hanani, Eliata, Guidalti, Romamti-ezer, Josbekasa, Maloti, Hotir hinaspa Maaziot. 5 Paykunam karqa Hemanpa churinkuna. Hemanqa karqa reypa runanmi, musquypi hina* qawaqmi karqa. Payqa Diosta hatunchananpaqmi Diospa nisqanta musquypi hina qawaspan reyman willaq. Chaymi Hemanmanqa Dios quykurqa 14 qari churikunata hinaspa kimsa warmi churikunata. 6 Llapankum Jehova Diospa wasinpi takirqaku platillokunawan, cuerdayuq tocanakunawan hinaspa arpakunawan.+ Paykunataqa taytankum yachachirqa.

Asafqa, Jedutunqa hinaspa Hemanqa kamachiq Davidpa yachachisqanmi karqaku.

7 Paykunaqa ayllunkuwanmi Jehova Diospaq takinankupaq yachachisqa karqaku. Llapankum 288 suma-sumaq takiqkuna karqaku. 8 Paykunam sapakama imapas ruwayniyuq kanankupaq tupasqanman hina+ rakisqa karqaku musullaraq utaq yuyayniyuq kaspapas, alli-allin yachaq utaq chayllaraq yachaq kaspapas.

9 Sorteaptinkum puntata tuparurqa Asafpa churin Joseyman.+ Iskaypiñataqmi Guedaliasman,+ ayllunkunaman hinaspa churinkunaman, llapankum karqaku 12. 10 Kimsapiñataqmi tuparurqa Zacurman,+ ayllunkunaman hinaspa churinkunaman, llapankum karqaku 12. 11 Tawapiñataqmi tuparurqa Izriman, ayllunkunaman hinaspa churinkunaman, llapankum karqaku 12. 12 Pichqapiñataqmi tuparurqa Netaniasman,+ ayllunkunaman hinaspa churinkunaman, llapankum karqaku 12. 13 Suqtapiñataqmi tuparurqa Bukiasman, ayllunkunaman hinaspa churinkunaman, llapankum karqaku 12. 14 Qanchispiñataqmi tuparurqa Jesarelaman, ayllunkunaman hinaspa churinkunaman, llapankum karqaku 12. 15 Pusaqpiñataqmi tuparurqa Jesayasman, ayllunkunaman hinaspa churinkunaman, llapankum karqaku 12. 16 Isqunpiñataqmi tuparurqa Mataniasman, ayllunkunaman hinaspa churinkunaman, llapankum karqaku 12. 17 Chunkapiñataqmi tuparurqa Simeiman, ayllunkunaman hinaspa churinkunaman, llapankum karqaku 12. 18 Chunka hukniyuqpiñataqmi tuparurqa Azarelman, ayllunkunaman hinaspa churinkunaman, llapankum karqaku 12. 19 Chunka iskayniyuqpiñataqmi tuparurqa Hasabiasman, ayllunkunaman hinaspa churinkunaman, llapankum karqaku 12. 20 Chunka kimsayuqpiñataqmi tuparurqa Subaelman,+ ayllunkunaman hinaspa churinkunaman, llapankum karqaku 12. 21 Chunka tawayuqpiñataqmi tuparurqa Matitiasman, ayllunkunaman hinaspa churinkunaman, llapankum karqaku 12. 22 Chunka pichqayuqpiñataqmi tuparurqa Jeremotman, ayllunkunaman hinaspa churinkunaman, llapankum karqaku 12. 23 Chunka suqtayuqpiñataqmi tuparurqa Hananiasman, ayllunkunaman hinaspa churinkunaman, llapankum karqaku 12. 24 Chunka qanchisniyuqpiñataqmi tuparurqa Josbekasaman, ayllunkunaman hinaspa churinkunaman, llapankum karqaku 12. 25 Chunka pusaqniyuqpiñataqmi tuparurqa Hananiman, ayllunkunaman hinaspa churinkunaman, llapankum karqaku 12. 26 Chunka isqunniyuqpiñataqmi tuparurqa Malotiman, ayllunkunaman hinaspa churinkunaman, llapankum karqaku 12. 27 Iskay chunkapiñataqmi tuparurqa Eliataman, ayllunkunaman hinaspa churinkunaman, llapankum karqaku 12. 28 Iskay chunka hukniyuqpiñataqmi tuparurqa Hotirman, ayllunkunaman hinaspa churinkunaman, llapankum karqaku 12. 29 Iskay chunka iskayniyuqpiñataqmi tuparurqa Guidaltiman,+ ayllunkunaman hinaspa churinkunaman, llapankum karqaku 12. 30 Iskay chunka kimsayuqpiñataqmi tuparurqa Maaziotman,+ ayllunkunaman hinaspa churinkunaman, llapankum karqaku 12. 31 Iskay chunka tawayuqpiñataqmi tuparurqa Romamti-ezerman,+ ayllunkunaman hinaspa churinkunaman, llapankum karqaku 12.