2 Samuel
22 Jehova Diosmi Saulmanta hinaspa chiqniqnin runakunamanta+ Davidta libraykurqa.+ Chaymi Davidqa Jehova Diospaq takirqa.+ 2 Nirqam:
“Jehova Diosniyqa harkaykuwaqniy qaqa hinam, pakakuna wasi hinam hinaspa harkaykuwaqniymi.+
3 Diosniyqa pakakunay rumi hinam,+
harkachikunaymi,+ atiyninwan yanapaykuwaqniymi, payqa pakaykuwaqniymi,+
payqa pakakunaypaq kallpaykunaymi*,+ yanapaykuwaqniymi.+ Qanmá mana allin runakunamanta libraykuwanki.
4 Ñuqaqa hatunchana Jehova Diostam qayakullani,
payqa chiqniwaqniykunamantam libraykuwanqa.
5 Wañuymi yakupapas olankuna hina muyuriruwarqa,+
mana allin runakunam qunqayta lluqlla hamuchkaq hina mancharichiwarqa.+
7 Sasachakuypi tarikuspaymi Jehova Diosta qayakullarqani,+
Diosniytam hinalla qayakurqani.
8 Allpam kuyuyta hinaspa katkatatayta qallaykurqa,+
cielokunapa cimientonmi kuyurirqa,+
kuyurirqaqa pay piñakuptinmi.+
9 Paypa sinqanmantam qusni lluqsimurqa,
siminmantañataqmi linwachkaq nina lluqsimurqa.+
Rawrachkaq nina sansam paymanta lluqsimurqa.
10 Pay hamuchkaptinmi cielokunapas waqtanpaykuq hinaraq karqa,+
chakinpim yanay-yanay puyukuna karqa.+
12 Hinaspanmi rikuriykachirqa pakakunapaq hina yanay-yanay tutayayta+
chaynataq yanay-yanay puyutapas.
13 Kancharichkaq qayllanmantam rawrachkaq nina sansa lluqsimurqa.
14 Hinaptinmi Jehova Diosqa cielomanta rayokunata tuqyachimurqa,+
hanaq pacha Diospa qaparisqanmi uyarikurqa.+
16 Jehova Diospa qaqchakuyninwanmi,
sinqanmanta lluqsimuq samayninwanmi lamar quchapa ukunkunapas rikukurqaraq,+
rikukurqataqmi allpa pachapa cimientonkunapas.+
17 Diosmi altomanta makinta haywarimuwarqa,
hapiykuwaspanmi uku-uku yakumanta hurquykuwarqa.+
18 Kallpasapa chiqniqniymantam libraykuwarqa,+
ñuqamantapas aswan kallpasapa chiqniwaqniy runakunamantam libraykuwarqa.
19 Paykunaqa ñakarisqay punchawpim pawaykamuwarqa,+
ichaqa Jehova Diosmi yanapaykuwarqa.
21 Allin ruwasqayman hinam Jehova Diosqa kutichipuwan,+
makiykunapa allin ruwasqanman hinam kutichipuwan.+
22 Ñuqaqa Jehova Diospa kamachikuyninkunatam kasukuni,
manam Diostaqa qipanchanichu.
25 Allin ruwasqayman hinayá Jehova Diosqa kutichipuwachun,+
paypa qayllanpi makiykunapa allin ruwasqanman hinayá kutichipuwachun.+
26 Diosnilláy, mana saqisuqnikikunataqa manam saqinkichu,+
allin ruwaqkunawanqa allin ruwaqmi kanki.+
27 Chuya runakunawanqa chuyam kanki.+
Llullakunaqa manam pantachisunkimanchu.+
28 Qamqa llampu sunqukunatam libraykunki,+
hatuntukuqkunatam ichaqa mana chaskinkichu, paykunataqa pinqaymanmi churanki.+
30 Yanapakuynikiwanqa achkallaña suwakunamanpas pawaykuymanmi,
Diospa yanapakuyninwanqa hatun pirqatapas qispiymanmi.+
Lliw asuykuqninkunataqa payqa harkaykunmi.+
32 Jehova Diosmanta sapaq Diosqa manam kanchu.+
Hatun rumi hina waqaychakuq Diosninchik hinaqa manam hukqa kanchu.+
34 Chakiytapas luwichupata hinaraqmi kallpachin,
qatakunapipas allintam sayachiwan.+
35 Makiykunatam yachachin peleanaypaq,
broncemanta flechatapas wiñarichinaypaqmi yanapawan.
37 Purisqay ñankunatam astawanraq kicharinki,
chakiykunaqa manam lluchkanqachu.+
38 Chiqniwaqniykunata qatispaymi wañuchimusaq,
wañuchinaykamam mana kutimusaqchu.
39 Mana hatarinankupaqmi ñutuparusaq hinaspa chinkarachisaq,+
paykunaqa chakiymanmi wichinqaku.
41 Yanapawaptikim chiqniwaqniykuna qayllaymanta ayqikunqaku,+
chiqniwaqniykunataqa chinkarachisaqmi.+
42 Paykunam yanapakuyta mañakunku, ichaqa manam pipas yanapaykunchu,
Jehova Diosta qayakuptinkupas manam uyarinchu.+
43 Paykunataqa ñutu allpata hinam ruwarusaq,
ñutuparuspaymi callekunapi mituta hina saruparusaq.
44 Llaqtamasiykunapa mana allinkuna niwasqanmantam libraykuwanki.+
45 Huklaw nacionniyuq runakunam manchakuywan ñawpaqniypi qunqurakunqaku,+
nisqaykunatam kasuwanqa.
46 Huklaw nacionniyuqkunaqa hukmanyarunqakum,
pakakusqankumantam katkatatastin hamunqaku.
47 ¡Jehova Diosyá kawsachun! ¡Pakakunay hatun rumi hina Diosniyyá alabasqa kachun!+
¡Salvaykuwaqniy hatun rumi hina Diosyá hatunchasqa kachun!+
49 Chiqniwaqniykunamantam libraykuwan.
50 Jehova Dioslláy, llaqtakunapipas qamtam hatunchasqayki.+