1 Cronicas
24 Davidmi Aaronpa mirayninkunata rakirqa. Aaronpa churinkunam karqa: Nadab, Abiu,+ Eleazar, Itamar.+ 2 Nadabpawan Abiupaqa manam qari churinkuqa karqachu. Paykunaqa taytanku manaraq wañukuchkaptinmi wañukurqaku.+ Eleazarwan+ Itamarñataqmi hinalla sacerdotekuna karqaku. 3 Davidmi Eleazarpa mirayninmanta kaq Sadocwan,+ Itamarpa mirayninmanta kaq Aimelecwan imapas ruwayniyuq kanankupaq paykunata rakinarqaku. 4 Eleazarpa mirayninkunapam aswan achka karqa ayllunkupi kamachiqkuna. Itamarpa mirayninkunapam ichaqa karqa aslla. Chaymi rakirqaku: Eleazarpa mirayninmantam karqa ayllunkupi kamachiqkuna 16, Itamarpa mirayninmantañataqmi karqa pusaq.
5 Paykunatam tupasqanman hina rakinarqaku.+ Chaynataqa rakinarqaku Eleazarpa mirayninmanta, Itamarpa mirayninmanta Diospa carpanpi kamachiqkuna hinaspa yupaychaypi kamachiqkuna kasqankuraykum. 6 Natanaelpa churin utaq Leviy ayllukunapa qillqapuqnin Semayam paykunapa sutinta listarqa. Chaytaqa qillqarqa reypa, llaqtapi autoridadkunapa, sacerdote Sadocpa+ hinaspa Abiatarpa+ churin Aimelecpa+ qayllanpim chaynataq sacerdotekunapa ayllunpi kamachiqkunapawan Leviy ayllupi kamachiqkunapa qayllanpim. Tupasqanman hinam Eleazarpa mirayninmanta akllarqaku huk aylluta, Itamarpa mirayninmantañataqmi akllarqaku huk aylluta. Chaynatamá akllarqaku qatinasninpi.
7 Sorteaptinkum puntata tuparurqa Jeoyaribman, iskay kaqñataq Jedayaman, 8 kimsañataq Harinman, tawañataq Seorinman, 9 pichqañataq Malkiyaman, suqtañataq Mijaminman, 10 qanchisñataq Hakozman, pusaqñataq Abiasman,+ 11 isqunñataq Jesuaman, chunkañataq Secaniasman, 12 chunka hukniyuqñataq Eliasibman, chunka iskayniyuqñataq Jakinman, 13 chunka kimsayuqñataq Hupacman, chunka tawayuqñataq Jesebeabman, 14 chunka pichqayuqñataq Bilgaman, chunka suqtayuqñataq Imerman, 15 chunka qanchisniyuqñataq Hezirman, chunka pusaqniyuqñataq Hapizezman, 16 chunka isqunniyuqñataq Petayasman, iskay chunkañataq Jezkelman, 17 iskay chunka hukniyuqñataq Jakinman, iskay chunka iskayniyuqñataq Gamulman, 18 iskay chunka kimsayuqñataq Delayaman, iskay chunka tawayuqñataq Maaziasman.
19 Chayna rakinasqa+ kasqankuman hinam Jehova Diospa wasinpi llamkaqku, ñawpaq abuelonku Aaronpa yachachisqanman hina. Chayqa karqa Israelpa yupaychasqan Jehova Diospa kamachisqanman hinam.
20 Leviypa mirayninmanta puchuqkunam kaykuna: Amrampa+ mirayninmantam karqa Subael,+ Subaelpa mirayninmantam karqa Jedeya, 21 Reabiaspa+ mirayninmantam karqa kamachiq Isias, 22 Izarpa mirayninmantam karqa Selomot,+ Selomotpa mirayninmantam karqa Jahat, 23 Hebronpa mirayninmantam Jerias+ karqa kamachiq, iskay kaqñataqmi karqa Amarias, kimsa kaqñataqmi karqa Jaaziel, tawa kaqñataqmi karqa Jekameam. 24 Uzielpa mirayninmantam karqa Miqueas, Miqueaspa mirayninmantam karqa Samir. 25 Miqueaspa wawqinmi karqa Isias, Isiaspa mirayninmantam karqa Zacarias.
26 Meraripa+ churinkunam karqa Maliwan Musi, Jaaziaspa mirayninmantam karqa Beno. 27 Meraripa mirayninkunam kaykuna: Jaaziaspa churinkunam karqa Beno, Soam, Zacur hinaspa Ibri. 28 Malipa churinmi karqa Eleazar, paypaqa manam qari churinqa karqachu.+ 29 Quispa churinmi karqa Jeramel. 30 Musipa churinkunam karqa: Mali, Eder hinaspa Jerimot.
Paykunam Leviypa mirayninkuna karqa ayllunkuman hina. 31 Paykunapas Aaronpa mirayninkuna hinam rakinakurqaku+ rey Davidpa, Sadocpa, Aimelecpa, Leviy ayllukunapa hinaspa sacerdotekunapa ayllunpi kamachiqkunapa qayllanpi. Rakinakurqakuqa mayor kaqpa achka ayllunmanpas chaynataq sullka kaqpa aslla ayllunmanpas mana sayapakuspankum.