Job
7 Jobqa nirqataqmi: “Runapa kawsakuyninqa ñakaristin llamkay hinam,
kawsasqan punchawkunapas llamkapakuq runapa punchawninkuna hinam.+
2 Sirviente hinam payqa llantupi kayta munan,
llamkapakuq runa hinam llamkasqanmanta pagonta suyan.+
3 Killan-killanmi hukmanyasqa kallachkani,
tutankunapas llumpay ñakariypim kallachkani.+
4 Puñuykuspaypas ninim: ‘Achikyaramunmanñapas’, nispay.+
Ichaqa manaña achikyamuptinmi kayman-wakman quchpakachani achikyamunankama.
6 Kawsakusqay punchawkunaqa awaqpa mininmantapas aswan utqaymanraqmi tukuchkan,+
manam ñuqapaqqa allin punchawqa kanñachu.+
7 Diosnilláy, kawsakuyniyqa chaylla chinkaruq wayra hinallam,+
manañachá kusisqaqa kawsasaqñachu.
8 Kunan qawawaqniykunapas manañam rikuwanqakuchu,
maskawaspapas manañam tariwanqakuchu.+
10 Manañam wasinmanpas kutimunqañachu,
llaqtamasinkunapas manañam rikunqañachu.+
11 Mana upallaykuspaymi ñuqaqa rimallasaq.
¡Llakipa intusqan kallaspaymi ñuqaqa rimallasaq!
¡Sunqullay nanawaptinpas ñuqaqa hinallam rimallasaq!+
12 ¿Ñuqaqa lamar quchapi manchakuypaq challwachu karqani
qawawaqniyta churawanaykipaq?
13 ‘Camaypi puñuykuspaymi
sasachakuyniykunata qunqarisaq’ niptiypas,
14 sueñoyniypim manchakuypaq kaqkunata qawachiwanki,
musquyniypipas hukmanyanapaq kaqkunatam qawachiwanki.
15 Wañukuytañam munallani,
wañukuyniymi aswan allinqa kanman kaynaniraq kawsanaymantaqa.+
16 Amiruniñam kayna kawsaytaqa,+ manañam munanichu kawsakuytaqa.
Saqiruwayña, ñuqapa kawsakuyniyqa waspiy hinallam.+
17 ¿Imañataq runaqa karqa llakikunaykipaqqa
hinaspa yanapaykunaykipaqqa?+
18 ¿Imañataq runaqa karqa sapa punchaw qawarinaykipaqqa
hinaspa imayna kasqanta yachanaykipaqqa?+
19 ¿Haykapikamataq hinalla qawawanki?
¿Manachu saqiykuwankiman tuqayllaytapas millpurunaypaq?+
20 Diosnilláy, huchallikuruspaypas, ¿ima mana allintataq qamta ruwaykiman? Qamqariki kanki runakunata qawamuqmi.+
¿Imanasqataq ñuqallataqa hukmanyachiwanki?
¿Imapitaq ñuqaqa sasachayki?
21 Huchaytayá pampachaykullaway,
mana allin ruwasqaykunataqa amayá kaqpaqpas hapiychu.
Ñuqallayqa ñam allpamanña kutiykusaq,+
maskawaspapas manañam tariwankichu”, nispa.