Job
6 Jobñataqmi nirqa:
2 “Amalaya llakiykuna+ pesasqa kanman
sasachakuyniykunawan kuska balanzaman churasqa kanman.
3 Kunanqa lamar quchapi aqumantapas astawanraqmi llasan.
Chaymi mana yuyayniyuq runa hina rimaruni.+
4 Tukuy atiyniyuq Diospa flechanmi hapiruwan,
hinaptinmi chay flechapa venenon ukuypi chiqirun.+
Llumpay sasachakuywanmi Diosqa ñakarichiwachkan.
5 ¿Yaqachu pastopi kachkaspan purun asno+ hawchityanman?
¿Yaqachu paston kachkaptin toro waqanman?
6 ¿Yaqachu pipas mikurunman mana kachiyuq qamya mikuyta?
¿Yaqachu miski kanman malvaspa wiqin?
7 Chaykunataqa manam mikurqanichu.
Chayqa chunyasqa mikuy hinam.
8 ¡Ima allinraq kanman mañakusqayta
hinaspa munasqayta Dios quykuwaptinqa!
9 ¡Amalaya Dios llapiruwanman!
¡Amalaya hukllata wañurachiwanman!+
10 Chayqa sunquytam tiyaykachinman,
nanaywan kachkaspaypas kusikuymantach pawaykachayman,
chuya+ Diospa imapas niwasqantaqa kasukurqanim.
11 Hinalla suyanaypaqqa manañam kallpaypas kanñachu.+
¿Imaraykutaq hinalla kawsayman?
12 Ñuqaqa manam rumi hinachu kani.
Ñuqaqa manam broncemanta aychayuqchu kani.
13 Tukuy imayta qichuruwasqankuraykum
kikillayqa ima ruwaytapas manaña atinichu.
15 Wawqiykunallam qipancharuwanku,+
wayqupi qunqaymanta chakiruq yaku hinaraqmi saqiruwanku.
16 Paykunaqa riti chulluptin putka yaku hinam kanku,
ritipa chullusqanta pakaqkuna hinam kanku.
17 Ichaqa tiempollanpim yaku chakiruchkaq hina chinkarunku,
usyaypi rupay chayaramuptin chakiruq yaku hinam qalaypaqta chinkarunku.
18 Risqanpim chay yakuqa ñanta wischurun,
hinaspam chunniqman chayaruspa chinkarun.
19 Tema+ lawmanta negociantekunam chay yakutaqa maskanku,
Saba+ lawmanta negociantekunapas maskankum.
20 Pinqaypim qipanku yakuta mana tarispanku,
hukmanyasqam kanku yakuta mana tarispanku.
21 Chaynam qamkunapas ñuqapaq kachkankichik,+
llumpay ñakarisqayta qawaspam mancharisqallaña kachkankichik.+
22 ¿Haykallapipas nirqaykichikchu imallatapas quykuwanaykichikpaq?
¿Mañakurqaykichikchu kapuqnikichikmanta wakillantapas?
23 Manam haykaqpas nirqaykichikchu chiqniwaqniykunamanta
hinaspa ñakarichiwaqniykunamanta harkaykuwanaykichikpaqqa.
24 Imapi pantasqaytayá qawaykachiwaychik,
hinaptinqa upallallam uyarisqaykichik.+
25 ¡Pitapas imam kaqta niykuyqa manam hukmanyachinchu!+
Qamkunapa rimapayawasqaykichikmi ichaqa yanqapaq.+
26 ¿Wayrapa apasqanta muspaypi hina rimasqaymantachu+ qamkunaqa
allin ñanman kutichiwayta munachkankichik?
27 Qamkunaqa mana tayta-mamayuqkunatam+ pimanpas tupananpaq sorteawaqchik,
28 Chaynaqa muyuriykamuspayá uyariwaychik,
¿yaqachu uyaykichikpi llullakuykichikman?
29 Yuyaymanariychik, amayá yanqakunamantaqa tumpawaychikchu.
Yuyaymanariychik, amayá allin ruwaq kachkaptiyqa mana allinkunataqa niwaychikchu.
30 ¿Yaqachu haykallapipas mana allinta rimarqani?
¿Ñuqaqa manachu musyakuchkani imam mana allin kasqantaqa?”, nispa.