Job
11 Naamat llaqtayuq Zofarñataqmi+ Jobta nirqa:
2 “Chay rimasqaykikunamantaqa, ¿pitaq upallalla kanman?
¿Llumpayta rimasqaykiraykuchu* allinpaq hapisqa kanki?
3 ¿Yaqachu yanqakuna rimasqayki runakunata upallachinman?
¿Manachu pipas qaqchasunkiman runamasikimanta asikuspa rimasqaykimanta?+
5 Amalaya Dios rimarinman
rimasqaykikunamanta imallatapas nisunaykipaq.+
6 Hinaspanqa yachayniyuq kasqanraykum mana pipapas yachasqan kaqkunamanta willasunkiman,
allin yachayniyuq kaymantaqa achkaraqmi yachanapaqqa kachkan.
Yachayniyuq kaspaykiqa yachawaqmi wakin pantasqaykikunata Dios qunqasqantapas.
7 ¿Yaqachu qamqa Diospa yachasqankunata yacharuwaq?
¿Yaqachu tukuy atiyniyuq Diosmanta tukuy imata suma-sumaqta yacharuwaq?
8 Yachayniyuq kayqa cielomantapas aswan mana haypay atinam, ¿yaqachu haypayta atiruwaq?
Yachayniyuq kayqa wañuqkunapa kasqanmantapas* aswan ukullay-ukupiraqmi, ¿yaqachu tariyta atiruwaq?
9 Allpa pachamantapas aswan hatunraqmi,
lamar quchamantapas aswan hatunraqmi.
10 Sichum Dios pitapas presocharuspan autoridadkunata huñuptinqa,
¿pitaq harkakunman?
11 Payqa yachanmi runapa llulla rimasqantaqa.
Mana allin ruwayta qawaspanqa, ¿mana kaqpaqta hinachu hapinman?
12 Mana yuyayniyuq ruqru runaqa
yachayniyuqqa kanman runata asno* wachakuptillanmi.
13 ¡Amalaya sunquykita kicharispa
makikikunatapas Diosman haywariwaq!
14 Saqiyñayá mana allin ruwasqaykita,
maymi yachasqaykipiqa* amayá mana allin ruwayqa kachunchu.
15 Chaykunata saqispaykiqa mana pinqakuspam uyaykita huqarinki,
imatapas mana manchakuspam allinta takyanki.
16 Hinaspaqa ñakarisqaykikunatam qunqanki,
pasaruqña yakuta hinallam yuyarinkipas.
17 Kawsakuynikim chawpi punchawta intipa kanchayninmantapas astawanraq kancharinqa,
tutayaypi kasqaykipas punchaw hinaraqmi kanqa.
18 Allinlla kanaykimanta yachaspam mana imatapas manchakuspa hawka kawsakunki,
muyuriqnikita qawarispapas mana manchakuspam puñuykunki.
19 Pipapas mana manchachisqanmi puñuykunki,
achkaqmi yanapaykunaykipaq qanman hamusunki.
20 Mana allin ruwaqkunam ichaqa
ñawin antayaruptin mayman riytapas mana atinqakuchu,
paykunaqa wañuyllatañam suyanqaku”, nispa.+