2 Cronicas
21 Jeosafat wañukuptinmi pamparurqaku ñawpaq abuelonkupa pampakusqan Davidpa llaqtan sutiyuq llaqtapi. Hinaptinmi churin Jeoramña kamachiyta qallaykurqa.+ 2 Israel* nacionta kamachiq Jeosafatpa wakin churinkunam karqa: Azarias, Jeyel, Zacarias, Azarias, Miguel hinaspa Sefatias. 3 Paykunamanmi Jeosafatqa qurqa quri-qullqitawan ancha chaninniyuq kaqkunata. Qurqataqmi Juda nacionpi hatun llaqtakunatapas.+ Jeoramtañataqmi kamachiq kananpaq+ akllarqa piwi* kasqanrayku.
4 Taytanpa rantinpi kamachiyta qallaykuspanmi Jeoramqa llapallan wawqinkunatawan+ Israel nacionpi kaq kamachiypi yanapakuqkunata wakinta wañurachirqa. Chaytaqa ruwarqa munayniyuq kayta munaspanmi. 5 Jeoramqa 32 watanpim Jerusalen llaqtamanta kamachiyta qallaykurqa. Payqa pusaq watam kamachirqa.+ 6 Acabpa ayllun hinam Jeoramqa Israel nacionta kamachiqkunapa ruwasqanta qatipakurqa.+ Jeoramqa Acabpa warmi churinwanmi casarakururqa.+ Chaynapim payqa Jehova Diospa chiqnisqan kaqkunata ruwarqa. 7 Chaywanpas Davidwan contratota* ruwasqanraykum Jehova Diosqa mirayninkunataqa mana chinkarachirqachu.+ Davidtam nirqa paymanwan churinkunaman huk mirayta* qunanmanta.+
8 Jeoram kamachichkaptinmi Edom runakunaqa Juda nacionta manaña kasukuyta munaspanku+ kamachiqninkuta churarurqaku.+ 9 Chaymi Jeoramqa Edom runakunapa allpanman rirqa llapallan carretankunawan hinaspa soldadokunapa kamachiqninkunapiwan. Paykunatam Edom runakuna chawpicharurqaku, chaymi tuta hatariruspanku Edom runakunata wañuchiyta qallaykurqaku. 10 Edom runakunaqa manam kunankamapas Juda runakunataqa kasunkuchu. Jehova Diosta Jeoram qipancharusqanraykum Libna llaqtayuq+ runakunapas Jeoramtaqa qipancharurqaku.+ 11 Jeoramqa taytacha-mamachakunata Jerusalen runakuna yupaychanankupaqmi Juda nacionpa urqunkunapi yupaychana patakunatapas+ ruwachirqa. Chaynatam Juda runakunata huchallichirqa.
12 Hinaptinmi Diosmanta willakuq* Eliasqa+ Jeoranman qillqarqa: “Ñawpaq abueloyki Davidpa yupaychasqan Jehova Diosmi nisunki: ‘Qamqa manam taytayki Jeosafat+ hinachu nitaq Asa+ hinachu allin kaqta ruwanki. 13 Aswanqa Israelpi kamachiqkuna hinam ruwachkanki.+ Hinaspam Jerusalen llaqtapi runakunatawan Juda nacionpi kaq wakin llaqtapi runakunata taytacha-mamachakunata yupaychachichkanki.+ Chaynam Acabpa ayllunkunapas taytacha-mamachakunata yupaycharqaku.+ Wañurachinkitaqmi wawqikikunatapas,+ paykunaqa qanmanta aswan allin runakunam karqaku. 14 Chayraykum ñuqa Jehova Dios ñakarichisaq runaykikunata, churikikunata, warmikikunata. Chinkachisaqtaqmi tukuy ima kapuqnikikunatapas. 15 Qamñataqmi tukuy imawan unqunki. Mana hampiy atina unquywantaqmi kanki chunchulnikipas lluqsimunankama’”, nispa.
16 Jehova Diosmi+ Arabia runakunatawan Filistea runakunata+ Jeoranwan pelearachirqa. Arabia runakunaqa+ Etiopia runakunapa hichpanpim yacharqaku*. 17 Chay runakunam Juda nacionman yaykuruspanku kamachiqpa wasinmanta tukuy imata apakurqaku.+ Pusakurqakutaqmi churinkunatapas chaynataq warminkunatapas. Sullka kaq churin Jehoacazllañam*+ qiparurqa. 18 Chaymanta qipatam Jehova Diosqa Jeorampa chunchulninpi mana hampiy atina unquyta rikurirachirqa.+ 19 Iskay wata chay unquywan ñakarisqanraykum chunchulninpas lluqsiramurqa, hinaptinmi llumpayta ñakarispan wañukurqa. Wañukuptinqa manam ñawpaq abuelonkunapaq hinachu miski asnaq qurakunataqa kañapurqaku.+ 20 Jeoramqa 32 watanpim Jerusalen llaqtamanta kamachiyta qallaykurqa. Payqa pusaq watam kamachirqa. Wañukuptinqa manam pipas waqarqachu. Jeoramtaqa Davidpa llaqtan sutiyuq llaqtapim pamparurqaku,+ ichaqa manam kamachiqkunapa pampakusqanpichu.+