Job
25 Sua lawmanta Bildadñataqmi+ nirqa:
2 “Diosqa ancha atiyniyuqmi, payqa manchakuymanta katkatatachikuqmi.
Paywanmi hanaq pachapipas hawkayay kan.
3 ¿Yaqachu paypa tropankuna yupayta atichwan?
¿Pikunamantaq achkinpa kanchaynin mana chayanchu?
4 Chaynaqa, ¿yaqachu pipas Diospa qayllanpi allin ruwaqpaq hapikunman?+
¿Yaqachu warmimanta nacemuq runa mana huchayuqpaq hapikunman*?+
5 Diospaqqa killapas manam allintaqa achkinchu,
lucerokunapas manam sumaqtaqa kanchanchu.
6 ¡Aswanraqchá wañuqlla runaqa! Paypa qayllanpiqariki uru hinallam,
runaqariki paypaqqa uru hinallam”, nispa.