Eclesiastes
2 Hinaptinmi sunqullaypi nirqani: “Kusirikusaqyá imayna kasqanta yachanaypaq”, nispay. Ichaqa chaypas yanqam kasqa.
2 Asikuypas yanqapaqmi kasqa,
kusirikuypas yanqapaqmi kasqa.
3 Vinota tomaspa kusirikuy imayna kasqantam yachayta munarqani,+ chaytaqa yachaywanmi ruwarqani. Kay pachapi pisi tiempolla kawsaq runakunapa ima ruwasqanku allin kasqanta yachanaypaqmi mana yuyayniyuq runakuna hinaña ñuqapas kawsayta qallaykurqani. 4 Tukuy imatam ruwayta qallaykurqani.+ Wasikunatam achkata ruwachirqani,+ uvaskunatam achka hawaqpi plantachirqani.+ 5 Ruwachirqanitaqmi huertakunatapas hatunta uchuyta, chaypim tukuy rikchaq ruruq sachakunata plantachirqani. 6 Pozokunatam ruwachirqani chayraq wiñaq sachakunata parqunaypaq*. 7 Wasiypiqa sirvienteykunapas hinaspa sirvientaykunapas karqam,+ karqataqmi wasiypi naceq sirvienteykunapas. Ñuqamanta ñawpaqta Jerusalenpi yachaqkunapamantapas* aswan achkaraqmi kapuwarqa vacaykuna, ovejaykuna chaynataq cabraykunapas.+ 8 Huñukurqanitaqmi qullqitapas quritapas+ chaynataq kamachiqkunapa hinaspa llaqtakunapa kapuqninkunatapas.+ Kapuwarqataqmi qaripas warmipas takiqkuna, wakin runakuna hina kusikunaypaqtaqmi warmiyuq karqani, arí, achkamá warmiykunaqa karqa. 9 Chaymi Jerusalenpi ñuqamanta ñawpaq kaqkunamantapas aswan riqsisqa karqani,+ ñuqaqa tukuy tiempom yachayniyuq karqani.
10 Imapas munasqaytamá ruwarqani.+ Sunquypa munasqanman hinamá kusirikurqani. Tukuy ima ruwasqaymantam kusisqa karqani, kusisqa kayniyqa anchata llamkasqaypa pagon hinam karqa.+ 11 Ichaqa tukuy ima ruwasqaykunapi yuyaymanaspaymi chaynataq anchata llamkasqaykunapi yuyaymanaspaymi,+ yacharurqani chaykunaqa wayrata qatikachay hinalla yanqa kasqanta.+ Kay allpa pachapiqa imapas chinkaruqllam kasqa.+
12 Yachayniyuq kaytam entiendeyta qallaykurqani, yanqakuna ruway imayna kasqantam yacharurqani, mana yuyayniyuq kay imayna kasqantam yacharurqani.+ ¿Imataraqtaq ruwanman qipay hamuq kamachiqqa? Payqa ruwanman ruwasqay kaqkunallatach. 13 Imaynam achkipas tutayaymantaqa aswan allin, chaynam yachayniyuq kaypas mana yuyayniyuq kaymantaqa aswan allin.+
14 Yachayniyuq runaqa allinta qawakuspam purin,+ mana yachayniyuq runam ichaqa tutayaypi purin.+ Ichaqa yacharunim iskayninku chaynalla tukusqankuta.+ 15 Chaymi sunqullaypi nirqani: “Mana yuyayniyuq runata imam pasasqanman hinach ñuqatapas pasaruwanqa”, nispay,+ chaynaqa ancha yachayniyuq kasqaypas yanqam. Chaymi sunquypi nirqani: “Chaypas yanqam”, nispay. 16 Yachayniyuqpas mana yachayniyuqpas manam wiñaypaqchu yuyasqa kanqa.+ Hamuq punchawkunapiqa lliwmi qunqasqa kanqaku. Yachayniyuqpas mana yachayniyuqpas wañuqllam kanku.+
17 Kay pachapi imapas ruwasqanku sasachakuylla kasqanraykum chaynataq wayrata qatikachay hina imapas yanqa kasqanraykum+ chayna kawsakuytaqa chiqnirqani.+ 18 Qipay hamuq runapaqña kananta yachasqayraykum+ kay pachapi tukuy ima ruwasqaykunata mana valeqta hinaña hapiyta qallaykurqani.+ 19 ¿Pitaq yachan yachayniyuq utaq mana yachayniyuq kananta?+ Imayna kaspanpas kay pachapi yachaywan anchata kallpanchakuspay tukuy ima armakusqaytam munaychakunqa. Chaypas yanqallam. 20 Chaymi kay pachapi anchata llamkaspay tukuy ima huñukusqaymanta sunquypas mana tiyarqachu. 21 Runaqa yachaywan, yuyaywan hinaspa imapas ruway yachasqanwan yanapachikuspan anchata llamkaspa huñukuspanpas kapuqninkunataqa imapas mana ruwaysiqninmanmi qunqa.+ Chaypas yanqallam, hatun sasachakuyllam.
22 ¿Imatataq runaqa anchata llamkaspan chaskikunman? ¿Imatataq runaqa chaskinman kay pachapi llamkayllamanña qukuruspanqa?+ 23 Runamanqa llamkayninmi nanaytawan ñakariyllata apamun,+ tutankunapas manam puñuytapas tarinchu.+ Chaypas yanqallam.
24 Runapaqqa allinqa kanman anchata llamkasqanmanta mikukuspa tomakuspa kusikuynillanmi.+ Yacharunitaqmi chaykunaqa Diosmanta hamusqanta.+ 25 ¿Pitaq ñuqamanta aswan allinta mikunman hinaspa tomanman?+
26 Diospa munasqanman hina kawsakuq runamanqa Diosmi qun yachayta, yuyayta hinaspa kusikuyta,+ huchasapa runam ichaqa Diospa munasqanman hina kawsaq runaman qunallanpaq llamkasqanta huñun.+ Chaypas wayrata qatikachay hina yanqallam.