Esdras
10 Esdrasmi Diospa wasinpa ñawpaqninpi pakchakuykuspan runakunapa huchanta Diosman willakurqa.+ Hinaptinmi Israel runakunaqa qarikunapas, warmikunapas, warmachakunapas huñunakaramuspa waqakurqaku. 2 Chaymi Elampa+ mirayninmanta Jeyelpa+ churin Secanias Esdrasta nirqa: “Ñuqaykum huklaw llaqtayuq warmikunawan casarakuruspayku Diosninchikta qipancharuniku.+ Chaywanpas Diosqa yanapaykunmanmi Israel runakunataqa. 3 Chaynaqa, huklaw llaqtayuq warmikunata wawantinta qarqunapaqyá Dioswan contratota* ruwasunchik.+ Chaynapim Jehova Diostawan paypa kamachikuyninkunata kasukuq runakunata kasukusunchik.+ Kamachikuypa nisqanman hinayá ruwasunchik. 4 Hatariy Esdras, qanmi kaytaqa ruwanayki. Ñuqaykupas yanapasqaykikum. Kallpanchakuspayá ruway”, nispa.
5 Chaymi Esdrasqa hatarispan nirqa sacerdotekunapa kamachiqninkunata, Leviy ayllumanta kaqkunata, lliw runakunata Secaniaspa nisqanta kasukunankupaq.+ Hinaptinmi Diospa sutinpi nirqaku kasukunankupaq. 6 Esdrasqa Diospa wasinpa* ñawpaqninmantam pasarqa Eliasibpa churin Jeoananpa cuartonman, chay cuartoqa karqa Diospa wasinpim. Esdrasqa manam imatapas mikurqachu, manam yakutapas tomarqachu. Payqa preso kutimuq runakunapa huchanraykum llakisqa karqa.+
7 Chaymantam runakunaman willachimurqaku Jerusalenman huñunakamunankupaq. 8 Kimsa punchawkama pipas mana hamuqtaqa tukuy imankuta qichuspam qarqunanku karqa. Chaynataqa ruwananku karqa kamachiqkunapa hinaspa punta apaqkunapa nisqankuman hinam.+ 9 Hinaptinmi Juda runakunawan Benjamin runakunaqa Jerusalenman kimsa punchawllapi huñunakaramurqaku. Chayqa karqa isqun kaq killapa 20 punchawninpim. Chay punchawmi llapallan runakuna Diospa wasinpa pationpi tiyarqaku huchankurayku hinaspa parasqanrayku katkatatastin.
10 Chaymantam sacerdote Esdrasqa hatariykuspan paykunata nirqa: “Qamkunam huklaw llaqtayuq warmikunawan casarakuspaykichik+ Israel runakunapa huchanta yaparunkichik. 11 Chaynaqa, kunanyá huchaykichikkunata willakuychik Jehova Diosman, hinaspayá kasukuychik. Ñawpaq abueloykichikkunapa yupaychasqan Diosta mana riqsiq runakunamantawan huklaw llaqtayuq warmikunamantayá rakikuychik”, nispa.+ 12 Chaymi llapallan runakuna qaparispa nirqaku: “Nisqaykiman hinam ruwasaqku. 13 Ichaqa achkallañam kachkaniku, hinaspapas paranan tiempopiraqtaq kachkanchikpas. Manam kaypiqa unayqa kaymankuchu. Chaymantapas achkallañam huchallikuruniku, chayraykum kayqa mana iskay-kimsa punchawllapichu allichakunqa. 14 Chaynaqa, rantiykupiyá kamachiwaqniyku runakunallaña qipachunku.+ Llaqtaykupi huklaw llaqtayuq warmikunawan casarakuqkunañataqyá nisqayki punchawpi hamuchunku punta apaqkunapiwan hinaspa sapa llaqtapi juezkunapiwan, Diospa piñakuynin pasanankama”, nispa.
15 Asaelpa churin Jonatanwan Tikvapa churin Jazeyallañam chayna kananta mana munarqakuchu. Paykunamantaqmi sayapakurqaku Leviy ayllumanta Mesulampas chaynataq Sabetaipas.+ 16 Preso kutimuqkunaqa llapallankum chayna kananpaq allinmi nirqaku. Esdraswan ayllunkupi kamachiq listasqa runakunañataqmi chaymanta rimanankupaq huñunakururqaku chunka kaq killapa qallariynin punchawpi. 17 Punta kaq killapa qallariynin punchawpim tukurqaku huklaw llaqtayuq warmikunawan casarakuq qarikunapa sasachakuynin allichayta. 18 Chaypim yacharurqaku sacerdotekunapa wakin churinku huklaw llaqtayuq warmikunawan casarakusqankuta.+ Paykunam karqaku: Maaseya, Eliezer, Jarib hinaspa Guedalias. Paykunaqa karqaku Jeozadacpa churin Jesuapa+ mirayninkunawan ayllunkunam. 19 Paykunam warminkuta qarqunankupaq nirqaku. Chaymantapas, sapakamam huchankumanta carnerota Diospaq kañarqaku.+
20 Sacerdotekunamanta wakin huchallikuqkunam karqaku: Imerpa+ mirayninmanta Hanani hinaspa Zebadias. 21 Harimpa+ mirayninmanta Maaseya, Elias, Semaya, Jeyel hinaspa Uzias. 22 Pasjurpa mirayninmanta+ Elionai, Maaseya, Ismael, Natanael, Jozabad hinaspa Eleasa. 23 Leviy ayllupa mirayninmanta Jozabad, Simei, Kelaya utaq Kelita, Petayas, Juda hinaspa Eliezer. 24 Takiqkunamanta Eliasib. Punku cuidaqkunamanta Salum, Telem hinaspa Uri.
25 Parospa mirayninmanta+ Ramias, Izias, Malkiya, Mijamin, Eleazar, Malkiya hinaspa Benaya. 26 Elampa mirayninmanta+ Matanias, Zacarias, Jeyel,+ Abdi, Jeremot hinaspa Elias. 27 Zatupa mirayninmanta+ Elionai, Eliasib, Matanias, Jeremot, Zabad hinaspa Aziza. 28 Bebaipa mirayninmanta+ Jeoanan, Hananias, Zabai hinaspa Atlai. 29 Banipa mirayninmanta Mesulam, Maluc, Adaya, Jasub, Seal hinaspa Jeremot. 30 Pahat-moabpa mirayninmanta+ Adna, Kelal, Benaya, Maaseya, Matanias, Bezalel, Binui hinaspa Manases. 31 Harimpa+ mirayninmanta Eliezer, Isiya, Malkiya,+ Semaya, Simeon, 32 Benjamin, Maluc hinaspa Semarias. 33 Hasumpa+ mirayninmanta Matenai, Matata, Zabad, Elifelet, Jeremai, Manases hinaspa Simei. 34 Banipa mirayninmanta Maadai, Amram, Uel, 35 Benaya, Bedeya, Kelui, 36 Vanias, Meremot, Eliasib, 37 Matanias, Matenai hinaspa Jaasu. 38 Binuipa mirayninmanta Simei, 39 Selemias, Natan, Adaya, 40 Macnadebai, Sasai, Sarai, 41 Azarel, Selemias, Semarias, 42 Salum, Amarias hinaspa Josey. 43 Nebopa mirayninmanta Jeiel, Matitias, Zabad, Zebina, Jadai, Joel hinaspa Benaya. 44 Paykunam llapallanku huklaw llaqtayuq warmikunawan casarakururqaku.+ Chay warmikunatam wawantinta qarqururqaku.+