2 Cronicas
22 Jerusalen llaqtapi yachaq* runakunam Jeorampa rantinpi sullka kaq churin Ocoziasta churarurqaku Juda nacionta kamachinanpaq.+ Churarurqakuqa Arabia runakunawan suwa runakuna wawqinkunata wañurachisqankuraykum.+ 2 Ocoziasqa 22 watanpi kachkaspam Jerusalen llaqtamanta kamachiyta qallaykurqa. Payqa kamachirqa huk watallam. Mamanpa sutinmi karqa Atalia.+ Ataliaqa karqa Omripa willkanmi.+
3 Ocoziasqa maman Atalia umachaptinmi Acabpa+ ayllun hina mana allinkunata ruwarqa. 4 Taytan Jeoram wañukuptinmi Acabpa mirayninkuna umacharqaku, chaymi Ocoziasqa paykuna hina Jehova Diospa chiqnisqan kaqkunata ruwarqa. Chayraykum Ocoziasqa paykunata kasuspan sasachakuypi tarikurqa. 5 Paykunata uyarispanmi Ocoziasqa Israel nacionta kamachiq Jeoramta riysirqa Ramot-galaad llaqtaman,+ chaypim Siria nacionta kamachiq Hazaelwan+ pelearqaku. Hinaptinmi Jeoramta flecharurqaku. 6 Chaymi Jeoramqa Jezreel llaqtaman+ kutirqa flecharusqankumanta allinyananpaq. Flecharurqakuqa Siriata kamachiq Hazaelwan Rama llaqtapi peleachkaptinmi.+
Chayna unquchkaptinmi Judata kamachiq Ocozias* Jeoramta+ watukuq rirqa.+ Ocoziasqa karqa Jeorampa churinmi.+ 7 Diosmi munarqa Jeoramta watukusqanpi Ocozias wañunanta. Ocoziasqa chayaruspallanmi Jeoranwan kuska Nimsipa willkan Jehuwan tupaq rirqaku.+ Jehutam Jehova Dios akllarqa Acabpa ayllunta chinkachinanpaq.+ 8 Jehuqa Acabpa ayllunkunata wañuchiq rispanmi tuparurqa Ocoziasta kamachiypi yanapaqkunawan, sobrinonkunawan, hinaspam wañurachirqa.+ 9 Chaymantam Ocoziasta maskachimurqa, hinaptinmi Samaria llaqtapi tariruspanku Jehuman pusamurqaku, hinaspam wañurachirqaku. Runakunam nirqaku: “Payqa tukuy sunqunwan Jehova Diosta yupaychaq Jeosafatpa willkanmi”, nispa.+ Chayraykum pamparurqaku.+ Ocozias wañukuptinqa manañam pipas ayllunmantaqa karqañachu Juda nacionta kamachinanpaqqa.
10 Ataliam+ wawan Ocozias wañukuptin kamachiqpa llapallan mirayninkunata chinkarachiyta munarqa. Chaynapim Juda ayllumanta kamachiqkunaqa manaña karqachu.+ 11 Ocoziaspa churin Jehoastam+ ichaqa tian Jeosabeat pakarurqa mana wañuchinankupaq.+ Paytaqa Ataliamantam pakarurqa huk cuartopi uywaqnin warmitawan kuskata. Jeosabeatqa karqa sacerdote Jeoyadapa+ warminmi, kamachiq Jeorampa+ churinmi. 12 Jehoasqa paykunawanmi Diospa wasinpi suqta wata pakasqa karqa. Chay watakunam Ataliaqa Juda nacionpi kamachirqa.