Apocalipsis
16 Uyarirqanitaqmi templopa chuya cuartonmanta+ qayakuytapas, chaymi qanchis angelkunata nimurqa: “Rispaykichikyá allpa pachaman tallimuychik qanchis tazonkunapi Diospa piñakuyninta”, nispa.+
2 Punta kaq angelqa rispanmi tazonninpi kaqta kay allpa pachaman talliykamurqa,+ hinaptinmi manchakuypaq animalpa+ marcanwan marcasqa kaqkuna hinaspa chay animalpa imagenninta yupaychaq+ runakuna mana hampiy+ atina llumpay nanakuq qiyayasqa heridakunawan ñakarirqaku.
3 Iskay kaq angelpas tazonninpi kaqtam talliykurqa lamar quchaman,+ hinaptinmi wañusqa runapa yawarnin+ hina lamar quchapi yaku rikurirurqa, chaymi lamar quchapi kawsaq tukuy rikchaq animalkuna wañururqa.+
4 Kimsa kaq angelpas tazonninpi kaqtam mayukunamanwan pukyukunaman talliykurqa,+ hinaptinmi chaypi yakukuna yawaryarurqa.+ 5 Chaymantam uyarirqani yakuta munaychakuq angelpa kayna nisqanta: “Dioslláy, qanmi kanki ñawpaq kaqpas hinaspa kunan kaqpas,+ qamqa runaykikunatapas mana qunqaqmi kanki.+ Chaymantapas tukuy kaykuna pasakunanpaq kamachisqaykiraykum allin ruwaq kanki,+ 6 paykunamanqa runaykikunapa hinaspa qanmanta willakuqkunapa*+ yawarninta chaqchusqankuraykum yawarta tomarachinki,+ paykunaqa chaytam merecenku”, nispa.+ 7 Chaymantapas altarmanta kayna rimamuqtam uyarirqani: “Tukuy atiyniyuq+ Jehova* Dios, qamqa mana pantaspa chaynataq allin juzgaqmi kanki”, niqta.+
8 Tawa kaq angelpas tazonninpi kaqtam intiman talliykurqa,+ hinaptinmi intiqa atiyta chaskirqa ninawan runakunata kañarunanpaq. 9 Chaymi runakunaqa intipa rupamusqanwan kañakururqaku, ichaqa manam wanakurqakuchu, aswanqa Diospa sutinmantam mana allinkunata rimarqaku. Paykunaqa chayna castigakuq Diostaqa manam hatuncharqakuchu.
10 Pichqa kaq angelpas manchakuypaq animalpa trononmanmi tazonninpi kaqta talliykurqa, hinaptinmi paypa tukuy ima munaychakusqan tutayarurqa,+ chaymi runakunaqa nanaywan kaspa qallunkutapas kachukuyta qallaykurqaku, 11 ichaqa manam wanakurqakuchu mana allinkuna ruwasqankunamantaqa, aswanqa nanaywan hinaspa qiyayasqa heridakunawan kaspankum hanaq pacha Diosmanta mana allinkunata rimarqaku.
12 Suqta kaq angelpas Eufrates+ hatu-hatun mayumanmi tazonninpi kaqta talliykurqa, hinaptinmi chay mayuqa chakirurqa,+ chaynapi intipa qispimunan lawmanta hamuq kamachiqkuna+ chayninta hamunankupaq.
13 Rikurqanitaqmi mancharikuypaq culebrapa siminmanta+ hinaspa manchakuypaq animalpa siminmanta chaynataq Diosmanta willakuqtukuqpa siminmanta karya hina millakuypaq kimsa rimaykuna* lluqsimuqtapas. 14 Chay rimaykunaqa demoniokunapa rimasqankum, chaymantapas milagrokunatam ruwanku,+ hinaspam enteron pachapi kamachikuqkunata huñuq rinku, rinkuqa tukuy atiyniyuq+ Diospa piñakuynin punchawpi guerraman+ huñumunankupaqmi.
15 Chaymantapas uyarirqanim kayna qayakuyta: “Ñuqaqa suwa hinam hamusaq,+ mayna kusisqam rikchan-rikchanlla+ kaspa pachayuqlla kaqqa, chaynapi qalalla mana purinanpaq hinaptin pinqayninta runakuna mana qawananpaq”, nispa.+
16 Chaymantam kamachiqkunata huñururqa hebreo rimaypi Armagedon* sutiyuq sitioman.+
17 Qanchis kaq angelpas wayramanmi tazonninpi kaqta talliykurqa, hinaptinmi templopi+ kaq tronomanta kallpawan qayakamurqa: “¡Ñam ruwasqaña!”, nispa. 18 Hinaptinmi karurqa llipyaykuna, qayakuykuna hinaspa rayopa tuqyasqankuna. Karurqataqmi nisyu terremotopas, chayna terremotoqa manam karqachu runakuna unanchasqa kasqanmantapachapas.+ Arí, chay terremotoqa nisyum karurqa. 19 Ancha riqsisqa llaqtam+ terremotowan kimsaman rakikururqa, nacionkunapi llaqtakunapas tuñirurqam. Diosmi yuyarirurqa hatun Babiloniawan+ sutichasqa llaqtata, yuyarirurqaqa llumpa-llumpay piñakuyninta vinowan huntasqa vasonmanta tomachinanpaqmi.+ 20 Chaynataqmi islakunapas maymi kasqanmanta suchururqa, urqukunapas chinkarurqam.+ 21 Chaymantapas hanaq pachamantam 20 kilo masnin* llasaq runtu para+ runakunaman chayaramurqa, runakunañataqmi runtu parawan+ castigo llumpay kasqanrayku Diosmanta mana allinkunata rimarqaku.