1 Reyes
9 Salomonqa Jehova Diospa wasinta, kikinpa wasinta+ hinaspa tukuy ima munasqantam ruwayta tukururqa.+ 2 Hinaptinmi Jehova Diosqa Salomonman sueñoyninpi kaqmanta rikuriykurqa, Gabaon llaqtapi rikuriykusqanman hina.+ 3 Hinaspam Jehova Dios nirqa: “Mañakuwasqaykitam uyariykuyki. Kay ruwasqayki wasitam ñuqapaq sapaqcharuni sutiy wiñaypaq hatunchasqa kananpaq.+ Kay wasitam sapa punchaw qawasaq.+ 4 Taytayki David hina+ tukuy sunquykiwan+ allin kaqta ruwaptikiqa+ hinaspa tukuy ima kamachisqaykunata kasukuptikiqa,+ 5 ñuqam qamta hinaspa miraynikikunata yanapasaq Israel runakunata wiñaypaq kamachinaykichikpaq. Taytayki Davidman nisqaytam cumplisaq, paytam nirqani: ‘Miraynikikunam Israel runakunata haykapipas kamachinqa’, nispay.+ 6 Sichu qamkuna hinaspa churikichikkuna kamachikuyniykunata mana kasukuptikichikqa chaynataq taytacha-mamachakunata qunqurakuykuspa yupaychaptikichikqa,+ 7 qusqay allpamantam Israel runakunata qarqurusaq.+ Sutiy hatunchasqa kananpaq sapaqchasqay wasitapas manañam qawarisaqñachu.+ Hinaptinmi huklaw runakuna Israel runakunata mana kaqpaqpas hapispanku asikunqaku.+ 8 Kay wasiqa purmanqam.+ Pipas kayninta pasaqqa qawarayaspam asikuspa ninqa: ‘¿Imanasqataq Jehova Diosqa kay allpata hinaspa wasita kaynarun?’, nispa.+ 9 Hinaptinmi ninqaku: ‘Egipto nacionmanta ñawpaq abuelonkuta hurqumuqninku Jehova Diosta qipanchasqankuraykum. Paykunaqa taytacha-mamachakunata kuyaruspankum qunqurakuykuspa yupaycharqaku. Chaymi Jehova Diosqa tukuy kay mana allinta paykunaman aparamun’”, nispa.+
10 Salomonqa kikinpa wasintawan Jehova Diospa wasintam qispichirqa 20 watapipuni.+ 11 Chaymantam kamachiq Salomonqa Tiro llaqtata kamachiq Hiranman+ quykurqa Galilea allpapi kaq 20 llaqtakunata. Hiranmi Salomonman ñawpaqta qurqa cedromanta hinaspa cipresmanta qirukunata* chaynataq quritapas haykam munasqanta.+ 12 Hiramqa Tiro llaqtamantam rirqa Salomonpa qusqan llaqtakunata qawaq, ichaqa manam munasqanman hinachu karqa. 13 Chaymi Salomonta nirqa: “Wawqilláy, ¿imamá kay quwasqayki llaqtakunaqa?”, nispa. Chayraykum kunankama Cabul allpa* nispa sutichanku. 14 Kamachiq Salomonmanmi Hiramqa qurqa 4.104 kilo* qurita.+
15 Kamachiq Salomonmi runakunata huñurachimuspan llamkachikurqa+ Jehova Diospa wasinta,+ kikinpa wasinta hinaspa Milo sutiyuq muquta ruwaypi.+ Llamkachikurqataqmi Jerusalen llaqtapa murallankunata ruwaypipas. Allichachirqataqmi Hazor+ llaqtapa, Meguido+ llaqtapa hinaspa Guezer+ llaqtapa tukuy imantapas. 16 Egiptota kamachiqmi* Guezer llaqtata rispan munaychakururqa. Chay llaqtatam kañaykurqa, hinaspapas chaypi yachaq* Canaan runakunatam wañurachirqa.+ Chay llaqtatam warmi churinman quykurqa Salomonwan casarakuptin.+ 17 Salomonmi kaqmanta hatarichirqa Guezer llaqtata, uray Bet-horon llaqtata,+ 18 Baalat+ llaqtata hinaspa Tamar llaqtata. Chay llaqtaqa Israel allpapim chunniqpi karqa. 19 Hatarichirqataqmi kawsaykuna waqaychana llaqtakunatapas, carretakuna waqaychana llaqtakunatapas+ hinaspa sillakuqkunapa yachanan llaqtakunatapas. Salomonqa Jerusalen llaqtapipas, Libano lawpipas chaynataq munaychakusqan llaqtakunapipas hatarichinanpaq tantiasqantam ruwarqa. 20 Puchuq Amorreo runakunaqa, Het runakunaqa, Perizita runakunaqa, Hev runakunaqa hinaspa Jebus runakunaqa+ manam Israelpa mirayninkunachu karqaku.+ 21 Chay runakunapa miraynintam Israel runakuna mana wañuchiyta atirqakuchu, paykunatam Salomon huñuchimurqa mana imallapaq llamkachinanpaq, chaynam kunankamapas kachkanku.+ 22 Israelpa mirayninkunatam ichaqa mana imallapaqqa mana llamkachiqchu.+ Paykunam karqaku soldadonkuna, yanapaqninkuna, kamachiypi yanapaqninkuna, soldadokunapa kamachiqninkuna hinaspa carretata apaqkunapawan sillakuqkunapa kamachiqninkuna. 23 Karqataqmi Salomonpa ruwachisqanta hinaspa llamkaqkunata qawaqkunapa kamachiqninkunapas,+ paykunam karqaku 550 runakuna.
24 Egiptota kamachiqpa warmi churinmi+ Davidpa llaqtan sutiyuq llaqtamanta+ Salomonpa ruwachipusqan wasiman astakurqa. Chaymantam Salomonqa Milo sutiyuq muquta ruwachirqa.+
25 Salomonmi watapi kimsa kutita+ Jehova Diospaq animalkunata kañapuq, kañapuqqa ruwachisqan altarpim.+ Nakapuqtaqmi Dioswan hawkalla kasqanrayku sapaq animalkunatapas. Animalkunata kañaspanmi Jehova Diospaq qusnichiq. Salomonmá wasi ruwayta tukurachirqa.+
26 Kamachiq Salomonqa ruwachirqataqmi achka botekunatapas Puka lamar quchapa patanpi Ezion-gueber lawpi.+ Chayqa kachkan Edom allpapi Elot llaqtapa hichpanpim.+ 27 Hirampam karqa botewan allin llamkaq runankuna, paykunatam botekunawan kacharqa+ Salomonpa runankunawan kuska llamkanankupaq. 28 Paykunaqa Ofir lawman+ rispankum 14.364 kilo* qurita Salomonpaq apamurqaku.