Deuteronomio
32 “Hanaq pachapi kaqkuna, uyariychikyá rimasqayta.
Kay pachapi kaqkunapas uyariychikyá nisqayta.
2 Yachachisqaykunaqa para hinam chayamunqa,
nisqaykunapas sulla hinam sullamunqa,
lliwaman llampu para chayamuchkaq hinam chayamunqa,
pastokunaman llumpay para wichimuchkaq hinam wichimunqa.
3 Ñuqaqa Jehova Diospa sutinmantam willakusaq.+
¡Willakuychikyá Diosninchik tukuy atiyniyuq kasqanmanta!+
4 Payqa pakakunay hatun rumi hinam, tukuy ima ruwasqanpas alli-allinmi*,+
paypaqa ima ruwasqanpas allin ruwayman hinam.+
Payqa haykapipas mana saqiwaqninchik Diosmi.+
Payqa allin ruwaq+ hinaspa pimanpas mana sayapakuqmi.+
5 Llaqta runakunam mana allin ruwaytaqa qallaykurqaku.+
Kikinkum huchayuqqa kanku pantasqankumantaqa,+ chayraykum paykunaqa mana Diospa churinchu kanku.
¡Paykunaqa llumpay mana allin ruwaqmi kanku!+
¿Manachu payqa taytaykichik? ¿Manachu payrayku kawsachkankichik?+
Paymi unanchasuspaykichik kawsanaykichikpaq yanapasuchkankichik.
7 Yuyariychikyá ñawpaq watakunata,
yuyariychiktaqyá ñawpaq tiempokunapi imakuna kasqantapas.
Taytaykichiktayá tapukuychik, paykunam willasunkichik.+
Chay tiempopi kawsaqkunatapas tapuychiktaqyá, paykunaqa willasunkichikmi.
8 Hanaq pacha Diosqa Adanpa churinkunata chiqirachispanmi,+
sapa nacionkunapi runakunaman tupaqnin allpata quspanmi+
Israelpa churinkuna hayka kasqankuman hina+
llaqtankupa muyuriqninpi linderonkunata churarqa.+
11 Imaynam ankapas mallquchankuna pawayta
yachananpaq rapranta mastarispa yachachin,
pampaman wichinanpaq hina kaptinpas
rapranta mastarispa rapranpa hawanpi apan,+
13 Diosqa kay pachapi alto urqukunata kamachinanpaqmi quykurqa,+
hinaspam chay allpapi wiñaq rurukunata mikuchirqa.+
Mikuchinanpaqmi qaqamanta mielta* hurqurqa,
raqchi rumimantam aceiteta hurqurqa.
14 Mikuchirqataqmi vacakunapa lluklluntapas, allinnin ovejakunatapas,
Basan lawpi carnerokunatapas, chivokunatapas
chaynataq allinnin trigotapas.+
Upuchirqataqmi cabrakunapa lechentapas.
Qamqa tomarqankitaqmi uvasmanta vinotapas.
15 Jesurunqa* puquruspam mana kasukuq kaspa haytakuqllaña rikurirurqa.
¡Yaw Jesurun! Wiray-wiraytam llumpayta puqurusqanki.+
Hinaspapas unanchaqnin Diostam saqirurqa,+
hatun rumi hina pakaykuqnin Diostam wischupakurqa.
16 Taytacha-mamachata yupaychaspankum Diosta piñachirqaku,+
millakuypaq kaqkunata ruwaspankum piñachirqaku.+
17 Animalkunata Diospaq nakapunankumantaqa demoniokunapaqmi nakapurqaku,+
mana riqsisqanku taytacha-mamachakunapaqmi nakapurqaku,
chayllaraq ruwasqanku taytacha-mamachakunapaqmi nakapurqaku,
ñawpaq abuelonkupapas mana riqsisqan taytacha-mamachakunapaqmi nakapurqaku.
19 Chay ruwasqankuta yacharuspanmi Jehova Diosqa qipancharurqa+
qaripas warmipas churinkuna piñachisqanrayku.
20 Chayraykum Diosqa nirqa: ‘paykunatam qipancharusaq,+
¿imatas ruwanqaku qipancharuptiy?
21 Taytacha-mamachataña yupaychaspam llumpayta llakichiwaqku,+
taytachakunata yupaychaspam llumpayta piñachiwaqku.+
Chaymi ñuqapas paykunata huklaw llaqtayuq runakunawan sientirachisaq,+
mana yuyayniyuq runakunawanmi piñachisaq.+
22 Piñakusqaymi nina hinaraq+ rupanqa
wañuqkunapa kasqankamam* rupanqa,+
nina hinaraqmi allpatapas hinaspa kawsaytapas rupanqa,
uku-ukumantam urqukunatapas ruparichinqa.
23 Paykunataqa astawanmi ñakarichisaq,
flechaykunatapas paykunapim tukusaq.
Manchakuypaq purun animalkunam paykunataqa mikunqa,+
pampan puriq urukuna kachuptinmi wañunqaku.
25 Wasinkumanta hawapim churinkupas espadawan wañuchisqa kanqaku.+
Wasinku ukupiñataqmi manchakuyllawanña kanqaku,+
musukunapas hinaspa sipaskunapas,
wawakunapas hinaspa yuyaqkunapas.+
26 Ñuqamantaqa niymanmi karqa: “Kayman-chaymanmi chiqirachisaq,
hinaspam chinkarachisaq runakunapas manaña yuyananpaq”, nispa.
27 Ichaqa chiqniqninkuna ima ninanmanta+ yachaspam
mana chaytaqa ruwarqanichu.
Chayta ruwaptiyqa ninmankuchá+ karqa: “Ñuqanchikmi chiqirachispa chinkarachinchik,+
manam Jehova Diosninkuchu”, nispa.
29 Yachayniyuq kaspankuqa+ kaykunapich yuyaymananmanku karqa.+
Yachanmankuch karqa mana allinpi tukunankuta.+
30 ¿Yaqachu huk runalla 1.000 runakunata mancharachinman?
¿Yaqachu iskay runalla 10.000 runakunata mancharachinman?+
Mancharachinmankuqa hatun rumi hina pakakunanku Diosnin rantikuruptillanmi*+
hinaspa chiqniqninkunapa makinman Jehova Diosninku churaykuptillanmi.
31 Yawkuna, chiqniwaqninchik runakunapa pakakunanku rumiqa manam ñuqanchikpa pakakunanchik hatun rumi* hinachu,+
chaytaqa chiqniwaqninchik runakunapas yachankum.+
32 Chiqniwaqninchik runakunapa uvasninkuqa Sodoma llaqtapi
hinaspa Gomorra llaqtapi wiñaq uvaskuna hinam.+
Chay uvasta mikuqkunaqa wañunkum,
chay uvaskunaqa qatqillañam.+
33 Vinonkupas culebrapa venenon hinam,
wañuchikuq culebrapa venenon hinam.
34 Kaykunataqa ñuqam waqaychachkani,
quritapas hinam sumaqta waqaychachkani.+
Paykunapa chinkanan punchawqa hichpallapiñam kachkan,
paykunaqa chinkachisqañam kanqaku’, nispa.
36 Jehova Diosqa runankunatam juzganqa.+
Hinaspanmi runankunata llakipayariykunqa,
manaña kallpayuq kasqankuta qawaspam llakipayariykunqa,+
sapallankuña qipasqankuta hinaspa hukmanyasqa kasqankuta qawaspam llakipayariykunqa.
37 Hinaspachá Diosqa ninqa: ‘¿Maytaq taytacha-mamachankuqa?+
¿Maytaq chay pakakunanku rumiqa?
38 ¿Maytaq chay imapas qusqankuta chaskiq taytachankuqa?
¿Maytaq chay vino qusqankuta chaskiq taytachankuqa?+
Paykunayá yanapachun.
Paykunayá pakaykuchun.
39 Yachachunkuyá ñuqalla Dios kasqayta,+
yachachunkutaqyá taytacha-mamachakunaqa ñuqa hina mana kasqanta.+
Ñuqallam wañuchispaypas kawsarichiyta atini.+
Ñuqallam unquchispaypas+ hampiyta atini.+
Manam pipas makiymantaqa ayqiyta atinmanchu.+
40 Hanaq pachaman makiyta huqarispaymi nini:
“Ñuqaqa wiñaypaqmi kawsani”, nispay.+
41 Llipipipichkaq espadayta allin kuchukuqta ruwaykuspaymi,
justicia ruwanaypaq+ espadayta hapiykuspaymi
mana allin ruwawaqniykunata vengakusaq+
chaynataq chiqniwaqniykunata chinkachisaq.
42 Flechaykunapas wañusqakunapa yawarninwanmi manaña rikuy kanqa,
espadaypas aychatam mikunqa,
presochasqakunapa yawarninwanmi manaña rikuy kanqa,
espadaypas chiqniwaqniy kamachiqkunapa kunkantam kuchunqa’, nispa.
43 Diospa runankunawan kuskayá kusikuychik
llapallan nacionkunapi runakuna,+
Diosmi runankuna wañuchiqkunata chinkachinqa,+
paymi chiqniqninkunata wañuchinqa.+ Allpaykichiktam huchallikuy kasqanmanta chuyanchanqa”, nispa.
44 Chaynata nispam Moisesqa Israelpa mirayninkunapaq takiyta qallaykurqa,+ Nunpa churin Hoseapas*+ paywanmi karqa. 45 Israelpa mirayninkunaman tukuy kaykunata niyta tukuruspanmi Moisesqa nirqa: 46 “Kay nisqaykunataqa kasukuychikyá,+ churikichikkunamanpas niychikyá kay kamachikuykunata lliwta kasukunankupaq.+ 47 Kaytaqa manam yanqatachu nichkaykichik, kay nisqaykunata kasukuspaykichikqa kawsankichikmi.+ Kay nisqaykunata kasukuspaykichikqa una-unay watam Jordan mayuta chimpaspaykichik qunay allpapi kawsakunkichik”, nispa.
48 Hina chay punchawpim Jehova Diosqa Moisesta nirqa: 49 “Abarim lawpi+ Nebo urquman+ riy, chayqa kachkan Jerico llaqtapa waklaw chimpan Moab allpapim. Chaymantam Israelpa mirayninkunaman qunay Canaan allpata qawarinki.+ 50 Chay urqupim wañukunki, imaynam wawqiki Aaronpas Hor sutiyuq urqupi wañukusqanman hina.+ 51 Qamkunaqa Zin sutiyuq chunniqpim Cades lawpi kaq yakupa tuqyasqan Meribapi+ Israelpa mirayninkunapa qayllanpi mana hatunchawarqankichikchu.+ 52 Qamqa qawayllam-qawarinki Israelpa mirayninkunaman qunay allpataqa, manam chay allpamanqa yaykunkichu”, nispa.+