Eclesiastes

11 Tantaykita yakuman wischuy,+ punchawkuna pasaruptinpas kaqmantam tarinki.+ 2 Qanchismanpas utaq pusaqmanpas kapuqnikitaqa quykuyá,+ manam yachankichu kay pachapi ima sasachakuy kanantaqa.

3 Puyukuna huntay-huntay kaptinqa param chayaykamun, sachaqa maylawman wichispanpas maymi wichisqallanpim kanqa.

4 Wayrallata qawaq runaqa manam tarpukunqachu, puyullata qawaq runaqa manam cosechanqachu.+

5 Imaynam mana yachankichu wiksayuq warmipa wiksanpi wawachapa tulluchankuna imayna wiñasqanta*,+ chaynallataqmi mana yachankichu tukuy imata ruwaq Diospa imapas ruwasqankunataqa.+

6 Achikyaqmanta tutaykuqkamayá mana samaykuspa muguykita tarpuy,+ manamriki yachankichu achikyaqta tarpusqayki utaq tutaykuqta tarpusqayki allin qispinantaqa.

7 Achkiqa suma-sumaqmi, intipa kanchayninta qawaypas suma-sumaqmi. 8 Pipas unay wata kawsakuspanqa chay watakunayá kusisqa kachun.+ Ichaqa yuyarinanmi qunqayta sasachakuy punchawkuna chayamunanta, qipa punchawta imapas chayamuqqa yanqam.+

9 Musu-sipas, musullaraq utaq sipasllaraq kachkaspaykiyá kusikuy. Musullaraq utaq sipasllaraq kachkaspaykiyá kusisqa kawsakuy, sunquykipa munasqanman hinayá kawsakuy, ñawikipa rikusqanman hinayá kawsakuy. Ichaqa amayá kayta qunqaychu, tukuy chaykuna ruwasqaykimantam Diosqa cuentata mañasunki.+ 10 Chaynaqa, sunquykimantayá llakikikunata hurquy, sasachasuqniki kaqkunatayá qanmanta karunchay, waytarichkaq hina musulla utaq sipaslla kayqa tukuruqllam.+