Job
12 Jobñataqmi nirqa:
2 “¡Qamkunaqa yachaysapa runakunamá kankichik,
wañukuptikichikpas yachaynikichikqa qamkunawanmi tukunqa!
3 Chayna kaptinpas yachayniyuqmi ñuqapas kani.
Qamkunapa hinam yachayniypas.
¿Pitaq chaykunamanta mana yachanmanchu?
Allin ruwaq hinaspa mana huchayuq runamantam paykunaqa asikunku.
5 Hawka kawsakusqanpaq hapikuq runaqa manam kaqpaqpas hapinchu sasachakuytaqa,
payqa ninmi hukmanyasqakunallapaq sasachakuy kasqanta.
6 Suwakunaqa yachasqanku* carpapipas hawkam kawsakunku,+
Diosta piñachiqkunapas hawkam kawsakunku,+
paykunaqa yupaychasqanku taytacha-mamachankutam makillankupi apakachanku.
7 Chayna kaptinpas animalkunata qawaspayá paykunamanta yachaykuychik,
alton pawaqkunata qawaspayá paykunamanta yachaykuychik.
8 Kay allpa pachatapas qawaspayá* chaykunamanta yachaykuychik,
lamar quchapi challwakunatapas qawaspayá paykunamanta yachaykuychik.
9 ¿Mayqinninkutaq mana yachanchu
tukuy chaykunataqa Jehova Dios ruwasqanta?
10 Paypa makinpim llapallan animalkunapa kawsaynin kachkan,
paypa makinpim runakunapa kawsayninpas kachkan.+
11 Imaynam mikuytapas malliykuspa yachanchik miski kasqanta,
chaynam pipa rimasqantapas allinta uyarispa yachanchik allin utaq mana allin kasqanta.+
12 ¿Manachu yuyaqkunaqa yachayniyuq kanku?+
¿Manachu unayña kawsakuqkunaqa yuyayniyuq kanku?
13 Diosllam yachayniyuqqa chaynataq atiyniyuqqa,+
payllataqmi rimapayaykuwaqninchikqa chaynataq imatapas yachaykachiwaqninchikqa.+
14 Paypa imapas tuñichisqantaqa manam pipas kaqmanta hatarichiytaqa atinmanchu,+
paypa wichqasqantaqa manam pipas kichaytaqa atinmanchu.
16 Diosqa kallpasapa hinaspa allin yachayniyuqmi,+
paypa makinpim kachkan pantaruqpas hinaspa hukkunata pantachiqpas.
17 Payqa yachayniyuq runakunatam mana imayuqta saqin,
juezkunatapas pinqaymanmi churan.+
18 Payqa kamachiqkunapa churasqanku cadenatapas paskarunmi,+
hinaspam kamachiq kasqankumanta qarquruspan kikinkutaña waskawan watarun.
19 Diosqa taytacha-mamacha yupaychaq sacerdotekunatam* pinqayman churan,+
kamachiyllapiña kaqkunatapas qarqunmi.+
20 Payqa yachayniyuq* runakunatam upallachin,
yuyaqkunapa yachaynintapas chinkachinmi.
21 Diosqa riqsisqa runakunatam pinqayman churan,+
kallpasapakunatapas mana kallpayuqtam rikurirachin.
22 Payqa tutayaypi pakasqa kaqkunatapas rikurichinmi,+
yanay-yanay tutayaytapas achkirachinmi.
23 Diosqa llaqtantin runakunata achkayarachispanmi chinkarachin,
allpankutapas hatunyarachispanmi runakunata presocharachin.
24 Payqa llaqtapi kamachiqkunapa yachaynintam qichurun,
hinaspam ñanpa mana kasqan chaki chunniqpi purichin.+