1 Corintios

8 Kunanñataqmi kayta nimuykichik: Taytacha-mamachakunapaq+ qusqanku mikuymantaqa llapallanchikpas yachanchikmi.+ Yachayniyuq kayqa hatuntukuqtam runata ruwan, kuyakuq kaymi ichaqa runata kallpanchan.+ 2 Sichu pipas yachasqanpaq hapikuspaqa manaraqmi imam kaqtaqa yachanraqchu. 3 Sichu pipas Diosta kuyan hinaptinqa Diospas paytam riqsin.

4 Kunanñataqyá rimasun taytacha-mamachakunapaq qusqanku mikuymanta. Ñuqanchikqa yachanchikmi taytacha-mamachakunaqa mana imapaq valeq kasqanta,+ yachanchiktaqmi Diosqa chullalla kasqantapas, manam hukqa kanchu.+ 5 Hanaq pachapipas kay pachapipas yupaychasqanku kaqkunaqa* achkallañam kachkan.+ Arí, “dioskuna” hinaspa “señorkunaqa” achkallañam kachkan. 6 Chayna kaptinpas chiqaptapuniqa ñuqanchikpaqqa hukllam Diosqa,+ payqa taytanchikmi.+ Paymantam tukuy ima rikurimurqa, paypaqtaqmi ñuqanchikpas kanchik.+ Hukllataqmi señorpas, payqa Jesucristom, paywanmi tukuy imapas kachkan,+ ñuqanchikpas paynintakamam kawsanchik.

7 Ichaqa kaymantaqa manam llapallankuchu yachanku,+ wakinqa ñawpaq tiempopim taytacha-mamachata yupaychaqku, chaymi chay taytachakunaman qusqa mikuyta mikuspankuqa taytacha-mamachatapas yupaychachkanmanku hina kanku,+ chaymi allin kaqta hinaspa mana allin kaqta manaraq sumaqta yachasqankurayku concienciankupiqa mana allin tarikunku.+ 8 Mikuyqa manam Diosmanqa asuykachiwasunchu,+ manam mikusqanchikwanchu allinqa kasunchik, nitaqmi mana mikusqanchikraykuchu mana allinqa kasunchik.+ 9 Ichaqa yanqataq imatapas akllakusqaykichikwan iñiyninpi manaraq allin takyasqa kaqkunata Diosmanta karuncharachiwaqchik*.+ 10 Sichu qamta pipas rikusunkiman yachayniyuq kachkaspa taytacha-mamachata yupaychananku wasipi mikuchkaqta hinaspaqa, ¿manachu iñiyninpi manaraq allin takyasqa runaqa* taytacha-mamachakunaman qusqa kaqkunata mikuyta qallaykunman? 11 Chiqaptapuniqa yachasqaykiwanmi iñiyninpi manaraq allin takyasqa iñiqmasikita karuncharuwaq. Cristoqa* wawqikipaqmi wañukurqa.+ 12 Hinaptinqa, wawqikichikpa contranpi chaynata huchallikuspaykichikqa hinaspa iñiyninpi manaraq allin takyasqa kaqkunapa conciencianta hukmanyachispaykichikqa+ Cristopa contranpim huchallikuchkankichik. 13 Chayrayku, mikusqaywan wawqiy pantaptinqa manañam haykapipas aychataqa mikusaqñachu, chaynapi wawqiyta ama pantachinaypaq.+