1 Corintios

13 Sichu ñuqa rimayman runakunapa chaynataq angelkunapa rimayninta, ichaqa mana kuyakuq kaspayqa taqlaqyaq laqla lata hinam kayman utaq chinchinyaq platillo hinam kayman. 2 Sichu ñuqa willakuyman Diospa qusqan willakuykunata, riqsiymantaq Diospa kaq tukuy pakasqa kaqkunata hinaspa tukuy rikchaq yachaykunata,+ urqukunata maymi kasqanmanta suchuchinaypaqpas Diospi ancha-anchata hapipakuyman, ichaqa manataq kuyakuqchu kayman hinaptinqa yanqapaqchiki ima ruwasqaypas.+ 3 Chaynallataq llapa imaykunatapas quyman runakuna mikunanpaq,+ alabakunaypaqtaq cuerpoytapas wañuyman entregayman, ichaqa manataq kuyakuqchu kayman+ hinaptinqa yanqapaqmi kanman*.

4 Kuyakuq+ runaqa pacienciakuqmi*,+ allin sunquyuqmi,+ mana envidiakuqmi*,+ mana alabakuqmi, mana hatuntukuqmi.+ 5 Kuyakuq runaqa manam pinqaypaq kaqkunata ruwaqchu,+ manam kikillanpaq munaqchu,+ manam chaylla piñakuqchu,+ manataqmi ima mana allin ruwarusqankutapas yuyarayanchu.+ 6 Manataqmi kusikunchu mana allin ruwaywanqa,+ aswanqa allin kaq ruwaywanmi kusikun. 7 Imapiña tarikuspanpas allintam takyan,+ tukuytam creen,+ tukuytam suyan,+ tukuytam aguantan.+

8 Kuyakuyqa wiña-wiñaypaqmi*. Ichaqa Diosmanta willakuypas tukunqam, huk rimaykunapi rimaypas tukunqam, hukkunapa mana yachay atisqanta yachaypas manañam kanqachu. 9 Ñuqanchikqa wakillantam yachanchik,+ wakillantataqmi Diosmantapas willakunchik. 10 Lliwta yacharuptinchikmi ichaqa wakillan yachasqanchik kaqkunaqa chinkanqaña. 11 Arí, warma kaspayqa warma hinam rimarqani, piensarqani hinaspa yuyaymanarqani. Yuyayniyuq runaña kaspaymi ichaqa manaña warma hinañachu kani. 12 Ñuqanchikqa anta-anta espejopi* qawachkaq hinam kunanqa manaraq sumaqtachu qawanchik, chaymantam ichaqa sumaqtaña qawasunchik. Kunanqa wakillantaraqmi ñuqaqa yachani, chaymantam ichaqa lliwtaña yachasaq imaynam Dios allinta riqsiwasqanman hina. 13 Ichaqa hinallam kanqa Diospi iñikuyqa, kuyakuq kayqa chaynataq Dios yanapaykuwananchikta suyayqa. Chaywanpas kay kimsanmanta aswan allinqa kuyakuq kaymi.+