NAHUM
1 Kayqa Ninive+ llaqta imayna kananmanta willakuymi. Kayqa Elcos llaqtayuq Nahunman* musquypi hina* Diospa qawachisqanmanta librom.
2 Jehova Diosqa paylla yupaychanata munaqmi,+
Jehova Diosqa chiqniqninkunapaq piñakuqmi hinaspa ruwasqankuman hina pagaqmi.
Jehova Diosqa ruwasqankuman hinam chiqniqninkunamanqa kutichin,+
payqa chiqniqninkunapaq piñakusqanta mana qunqaqmi.
3 Jehova Diosqa mana chaylla piñakuqmi,+ hinaspapas ancha atiyniyuqmi.+
Chaywanpas Jehova Diosqa mana allin ruwaqkunamanqa huchankuman hinam kutichinqa.+
Paypa ñanninqa kachkan manchakuypaq wayrapi hinaspa llumpay wayra-parapim,
puyukunapas paypaqqa ñutu allpa hinallam.+
Basanwan Carmelo urqupas chakinmi,+
Libano urqupi waytakunapas chakinmi.
5 Paywanqa urqukunapas katkatatanmi,
muqukunapas chullunmi.+
Payta qawaspanqa allpa pachapas katkatatanqam,
tukuy imapa qispinan allpapas hinaspa chaypi yachaq* runakunapas katkatatanqakum.+
6 ¿Pitaq pay piñakuptin qayllanpi sayanman?+
¿Pitaq pay piñakuptin allinlla kanman?+
Nina hinaraqmi paypa piñakuyninqa chayamunqa,
hatun rumikunapas pakipasqam kanqa.
7 Jehova Diosqa allin Diosmi,+ payqa sasachakuy punchawpipas waqaychakuqmi.+
Payqa manam qunqanchu yanapakuyninta maskaqkunataqa.+
8 Payqa manchakuypaq lluqllawanmi Ninive llaqtataqa chinkarachinqa,
chiqniqninkunapas tutayaypa qatikachasqanmi kanqaku.
9 ¿Yaqachu Jehova Diosta ima mana allintapas ruwayta atiwaqchik?
Ninive llaqtaqa qalaypaqmi chinkachisqa kanqa.
Sasachakuykunaqa manam kaqmantaqa kanqañachu.+
10 Ninive llaqtayuqkunaqa arwisqallaña kichka hina wankuy-wankuymi kanku,
paykunaqa trigo aqawan machasqa hinam kanku,
chaywanpas qupa rupachkaq hinam rupanqaku.
11 Qanmantam lluqsimunqa Jehova Diospa contranpi mana allin ruwaykunata tantiaq,
payqa mana allinkunallata pimanpas yachachiqmi kanqa.
12 Jehova Diosmi nin:
“Allinlla kawsakuchkaspankupas hinaspa achka kachkaspankupas
llapallankum wañuchisqa kaspa chinkachisqa kanqaku.
Juda llaqta, llumpaytam ñakarichirqayki, kunanmantam ichaqa manaña ñakarichisqaykiñachu.
13 Kunanmi churasusqayki yuguta pakirusaq,+
cadenasqa kasqaykitapas iskaymanmi tipirusaq.
14 Asiria llaqta, ñuqa Jehova Diosmi niki:
‘Sutikiqa manam wiñaypaqchu kanqa.
Yupaychanayki wasipi kaq taytacha-mamachakunatam chinkachisaq, llaqllaspa ruwasqayki hinaspa fierrota chulluchispa ruwasqayki taytacha-mamachakunatam tukusaq.
Millakuypaq kasqaykiraykum pampakunayki uchkuta ruwasaq’, nispa.
15 Urqunkunatam purichkan sumaq willakuyta apaq,
chaynintam richkan hawkayaymanta willakuq.+
Juda llaqta, hinallayá hatun punchawniykunata* yuyariy,+ hinallayá imam nisqaykita ruway.
Manañam qanmanqa hamusunkichu mana yuyayniyuq ruqru runakunaqa.
Paykunaqa pasaypaq chinkachisqam kanqaku”, nispa.
2 Ninive llaqtayuqkuna, llaqtakuna chiqichiq runam hamuchkan.+
Pirqaykichikkunaqa allin pirqasqayá kachun.
Ñannikichikkunapipas cuidaqkunayá kachun.
Wiqawnikichikta allinta watakuspayá huñunakuychik.
2 Jehova Diosqa Jacobmanmi riqsisqa kayninta kutichinqa,
payqa Israelmanmi riqsisqa kayninta kutichinqa
ñakariykunapi hukkuna kachisqankurayku+
hinaspa ikllipankunatapas* qullurachisqankurayku.
3 Wañuchinankupaq qarillaña hamuqkunapa harkachikunankuqa pukallañam kachkan,
peleaq hamuq runakunaqa pukawan pachasqam kachkanku.
Paykunaqa cipres sachamanta ruwasqa lanzakunawanmi hamuchkanku,
fierromanta ruwasqa peleananku kaqkunapas
carretankupim nina hinaraq kancharichkan.
4 Llaqta ukupim ruedayuq carretakunapi puramintita kallpachkanku*.
Plazakunapim hanaymanraq uraymanraq kallpachkanku.
Mechero hinaraqmi hinaspa llipyaykuna hinaraqmi kancharichkanku.
5 Payqa tropanmantam allinnin kaq runankunata huñunqa.
Paykunam risqankuman hina urmanqaku.
Pirqapa kasqanmanmi kallpanqaku,
hinaspam trankata churanqaku.
6 Mayukunapa punkunkunam kicharikunqa,
hinaptinmi suma-sumaq wasi hatarichisqankupas tuñinqa.
7 Ñam tantiasqaña kachkan payta tariruspa apananku punchawqa,
sirvientankunapas pesapakuspam qasqunkuta takakunku,
hinaspam paloma hina waqanku.
8 Qallariymantapunim Ninive+ llaqtaqa achkallaña yakuyuq uchku hina karqa,
kunanmi ichaqa lluptichkanku.
“¡Ama ayqiychikchu! ¡Kutimuychik!” nispam qayanku,
ichaqa manam pipas kutimunchu.+
9 ¡Qurinkutawan qullqinkutayá apakuychik!
Paykunapa quri-qullqinqa mana tukuqmi.
Paykunaqa tukuy imayuqmi kanku.
10 ¡Llaqtaqa manaña imayuq, chunniq hinaspa taqmasqam kachkan!+
Sunqunkupas manchakuymantam llumpayta hukmanyarun, muqunkuwan wiqawninkupas katkatatanmi,
uyankupas ayay-ayayllañam kachkan.
11 ¿Maypitaq leonkunapa machaynin kachkan?+
¿Maypitaq malta leonkunapa mikunan machayqa kachkan?
¿Maymantataq leonqa uñankunapiwan pipapas mana manchachisqallan lluqsin?
12 Leonqa uñankuna mikunanpaqmi achka aychata llikiq,
china leonkuna mikunanpaqmi wañuchipuq.
Machayninpiqa manam mikuyqa pisiqchu,
chaypiqa mikusqan animalkunam puchu-puchu qipaq.
13 Angelkunata kamachiq Jehova Diosmi nin: “¡Kunanmi qamta chiqniqniki rikuriruni!”, nispa.+
Diosqa nirqataqmi: “Ruedayuq carretaykikunatam kañaykuspay pasaypaqta chinkachisaq,+
espadawanmi malta leonnikikunapas wañuchisqa kanqaku.
Manañam hukkunapa imankutapas apakunkichu,
manañam willasuqniki runakunaqa hamusunkichu”, nispa.+
3 ¡Imaynaraq kanqa runa wañuchiq llaqtaqa!
Chay llaqtaqa llulla runakunapa hinaspa suwa runakunapa kanan llaqtam.
¡Chay llaqtaqa hinallam imakunatapas huñukuchkan!
2 Azotekunapa siwsiwyasqanmi hinaspa carretakunapa taqraqyasqanmi uyarikun,
caballokunapa hinaspa carretakunapa kallpasqanmi* qawakun.
3 Caballopi sillada runakunapaqa espadankupas llipipipichkanmi, lanzankupas kancharichkanmi.
Achkallañam wañusqakunaqa kachkan, pampapim ayakuna muntu-muntun kachkan,
mana yupay atinam wañusqakunaqa kachkan.
Paykunaqa wañusqakunawanpas urmankuraqmi.
4 Tukuy chayqa pasakun hukwan-hukwan kakuq chuchumika* warmi hina kasqanraykum,
payqa kuyayllapaqmi, hinaspapas alli-allin layqa ruwaqmi.
Payqa chuchumika hina kaspanmi huklaw llaqtayuqkunatapas aysaypaq-aysan, layqa ruwasqanwanpas ayllukunatam aysaypaq-aysan.
5 Angelkunata kamachiq Jehova Diosmi nin: “¡Kunanmi qampa contraykipi rikuriruni!”, nispa.+
Diosqa nirqataqmi: “Runakuna pinqaynikita qawananpaqmi
walikita uyaykikama qimpisaq,
llaqtakunapi kamachiqkuna pinqasunaykipaqmi chayta ruwasaq.
6 Pinqaymanmi churasqayki
millakuypaq kaqkunata hawaykiman wischuspay,
runakunapa qawanantam ruwasqayki.+
7 Pipas rikusuqnikiqa kallpaylla lluqsispanmi+ ninqa:
‘¡Ninive llaqtam chinkarusqa!
¿Pitaq paymanta llakikunman?’, nispa.
¿Maypitaq tariyman sunquyki tiyaykachiqta?
8 ¿Yaqachu qamqa Nilo mayupa patanpi kaq No-amon*+ llaqtamantapas aswan allinraq kawaq?+
Chay llaqtaqa yakupa muyurisqanmi karqa,
chay llaqtapaqqa lamar quchapas kapuqnin hinam chaynataq pirqankuna hinam karqa.
9 Chay llaqtapaqqa Etiopiawan Egiptom mana tukuq kallpan hina karqa.
Put+ llaqtawan Libia runakunam yanapaqninkuna karqa.+
10 Chaywanpas qarqusqam karqaku,
paykunaqa preso apasqam karqaku.+
Churi-wawankupas callekunapa esquinanpim chamqasqa wañurqaku.
Riqsisqa runankunatapas sorteaspam rakinakurqaku,
llapallankutam cadenawan chaqnarqaku.
11 Ninive llaqta, qampas sinkaspaykim+ pakakuq rinki.
Chiqnisuqnikikunamanta lluptinaykipaqmi
maypi pakakuyta maskanki.
12 Pirqaykikunapas chayraq puqurichkaq ruruyuq higos sacha hinam,
taspiykuptikiqa yarqasqakunapa simillanmanmi wichinqa.
13 Tropaykikunapas warmikuna hinallam kachkan.
Punkuykikunapas kichasqallañam chiqnisuqnikikunapaqqa kanqa.
Punkuykikunapa trankankunapas ninawanmi rupanqa.
14 Yakutayá hurquruy chiqnisuqnikikuna ama imanasunaykipaq.+
Pirqaykikunatayá sumaqta pirqaparuy.
Sinigaman yaykuspayá mituta saruy,
ladrillo chutanaykiwanyá ladrillotapas ruway.
15 Chaykunataña ruwaspapas ninawanmi rupanki,
espadawan wañuchisqam kanki.+
Aqarway urukunapa tukusqanta hinam tukusunki.+
¡Aqarway urukuna hinayá achkayay!
¡Aqarway urukuna hinayá achkallay-achkaman miray!
16 Negociante runaykikunatam hanaq pachapi lucerokunamantapas aswan achkataraq mirarachinki.
Aqarway uruqa qaranmanta chustukuspanmi pawan.
17 Aqarway urukuna hinam tropaykikunaqa,
achkallay-achka aqarway urukuna hinam tropayki kamachiqkunaqa.
Chirimusqan punchawqa rumiwan pirqasqa corralpim samanku,
inti kanchaykamuptinmi ichaqa pipas mana yachanchu
pawaspanku mayman risqankuta.
18 Asiria llaqtapa kamachiqnin, michiqnikikunam puñuysan hina kachkanku,
riqsisqa runaykikunam wasillankupi kachkanku.
Wakin runaykikunapas chiqichisqallañam urqukunapi kachkanku,
manam pipas paykunataqa huñumunchu.+
19 Ñakariynikiqa manam tumpallatapas samanqachu.
Ñakarichisuqniki nanayqa mana hampiy atinam.
Qanmanta uyariqkunam kusikuspa llapallanku taqllakunqaku,+
¿pitaq lluptirqa llumpa-llumpay ñakarichikuq kasqaykimanta?”, nispa.+
“Nahum” ninanqa: “Sunqu tiyaykachiq”, ninanmi.
Utaq: “Revelacionpi”.
Utaq: “Tiyaq”.
Utaq: “Fiestaykunata”.
Utaq: “Chikllipankunatapas”.
Utaq: “Raskichkanku”.
Utaq: “Raskisqanmi”.
Utaq: “Qullqipaq piwanpas kakuq”.
Utaq: “Tebas”.