1 KAQ TAPUKUY
¿Pitaq Diosqa?
“Llapallan runakunayá yachachunku sutikiqa Jehova kasqanta. Yachachunkuyá kay allpa pachapa hawanpiqa qamlla hanaq pachapi tayta kasqaykita”.
“Jehova Diosninchikqa Dios kasqantayá yachaychik. Paymi unanchawarqanchik, chaymi ñuqanchikqa paypa kanchik”.
“Ñuqaqa kani Jehova Diosmi. Chaymi sutiy. Manam munanichu ñuqamanta hukta yupaychanankutaqa, ñuqallata hatunchawanankutam munani, manam munanichu llaqllasqa taytacha-mamachakunata hatunchanankutaqa”.
“Pipas sutinmanta Jehova Diosta qayakuqqa salvasqam kanqa”.
“Imaynam wasipas runapa ruwasqan, chaynam tukuy imapas Diospa ruwasqan”.
“Cielotayá qawariychik, ¿pitaq lucerokunata unancharqa? Soldadokunata hina sapakamata yupaspan lluqsichimuqmi, sapakamatam sutinmanta qayan. Payqa kallpasapam, payqa tukuy atiyniyuqmi, chayraykum sapakama maymi kananpi kachkan”.