Kurku wasa ballenapa rikran

KAY ballenapa sayayninwan llasayninqa yaqa hatun camionpa hinam, chayna kaspanpas mana sasachakuspallam yaku ukupi suma-sumaqta muyun. ¿Imaynatam chayta ruwan? Chaytaqa ruwan rikranwanmi.

Kaypi yuyaymanay: Yaqa llapallan ballenakunapa rikranpa patanqa lluchkam. Kay kurku wasa ballenapa rikranmi ichaqa mana chaynachu. Rikranpa patanpim kan achka moqo-moqokuna, chaymi yakuta rakin hinaspa muyuchin remolinokunata. Chay remolinokunam ballenata yanapan yakupi nadiananpaq hinaspa rikrankunapas mana sayaspa allinta kicharikunanpaq. Chaymi rikran hatun kaptinpas yakuqa mana harkanchu rikran kuyunantaqa.

Yachaysapa runakunam kay ballenapa rikran imayna kasqanta qawaspanku tanteachkanku botepa timonninta, helicopteropa rapranta hinaspa huk maquinakunatapas ruwanankupaq.

¿Ima ninkitaq? ¿Kikillanchu kay ballenapa rikran rikurirqa icha unanchasqachu karqa?